फलटण (जि. सातारा) : फलटण तालुक्‍यातील 78 ग्रामपंचायतींत सरपंच, उपसरपंच व सदस्यांचा कालावधी संपत असल्याने या ग्रामपंचायती बरखास्त करून 77 ग्रामपंचायतींवर प्रशासक म्हणून विस्तार अधिकाऱ्यांची नेमणूक करण्यात आली आहे. या प्रशासकांना तत्काळ कार्यभार स्वीकारण्याचे निर्देशही देण्यात आले आहेत. 

मुंबई उच्च न्यायालयाच्या 14 ऑगस्टच्या अंतरिम आदेशानुसार आणि महाराष्ट्र ग्रामपंचायत अधिनियमातील तरतुदीनुसार, तसेच शासनाने काढलेल्या अधिसूचनेनुसार सातारा जिल्हा परिषदेचे मुख्य कार्यकारी अधिकारी संजय भागवत यांनी या ग्रामपंचायतींच्या पंचवार्षिक निवडणुका होईपर्यंतच्या कालावधीसाठी प्रशासक म्हणून फलटण पंचायत समितीमध्ये कार्यरत असणाऱ्या विस्तार अधिकाऱ्यांची नियुक्ती केली आहे. त्यांनी आपल्या पदाचा कार्यभार तत्काळ स्वीकारावा, असे निर्देश दिलेले आहेत. या प्रशासकांना महाराष्ट्र ग्रामपंचायत अधिनियम 1959 आणि महाराष्ट्र ग्रामपंचायत लेखासंहिता 2011 नुसार जे अधिकार व कर्तव्य सरपंच व ग्रामपंचायतीस प्राप्त होतात, ते अधिकार व कर्तव्य प्रशासक म्हणून नियुक्त केलेल्या व्यक्तीस प्राप्त होतील, असे या आदेशात नमूद करण्यात आले आहे. 

गुड न्यूज : आशा, गटप्रवर्तकांना आता मिळणार मोबाईल

फलटण तालुक्‍यातील विस्तार अधिकारी (पंचायत) एम. एम. चौधरी यांची बिबी, सोनगाव, नांदल, सस्तेवाडी, सांगवी, कांबळेश्‍वर, घाडगेवाडी या सात ग्रामपंचायतींवर, विस्तार अधिकारी (आरोग्य) आर. डी. झुंजार यांची कोऱ्हाळे, वडगाव, मलवडी, फरांदवाडी, मुळीकवाडी, कापशी, शिंदेनगर, आळजापूर, वाघोशी या नऊ ग्रामपंचायतींवर, विस्तार अधिकारी (कृषी) एल. एच. निंबाळकर यांची कोळकी, खुंटे, भिलकटी, सोनवडी बुद्रुक, सोनवडी खुर्द, धुळदेव, जाधववाडी (फ), तिरकवाडी, सासकल या नऊ ग्रामपंचायतींवर, विस्तार अधिकारी (कृषी) डी. डी. महांगडे यांची वडजल, कुरवली बुद्रुक, नाईकबोमवाडी, शेरेशिंदेवाडी, निंभोरे, जावली, आंदरुड, घाडगेमळा या आठ ग्रामपंचायतींवर, विस्तार अधिकारी (पंचायत) एस. जे. मोरे यांची अलगुडेवाडी, शिंदेवाडी, मिरढे, धुमाळवाडी, झिरपवाडी, सरडे, बोडकेवाडी, निरगुडी, विंचुर्णी या नऊ ग्रामपंचायतीवर प्रशासक म्हणून नियुक्ती करण्यात आली आहे.  

निसराळेत बैलगाडी शर्यत घेणाऱ्या सात जणांवर गुन्हा

तसेच विस्तार अधिकारी (शिक्षण) सी. जी. मठपती यांची ठाकुरकी, काशिदवाडी, भाडळी बुद्रुक, भाडळी खुर्द, ढवळ, फडतरवाडी, ढवळेवाडी (निं), जिंती, वाखरी या नऊ ग्रामपंचायतीवर, विस्तार अधिकारी (पंचायत) आर. आर. भोसले यांची हनुमंतवाडी, गुणवरे, पवारवाडी, मुंजवडी, निंबळक, राजुरी, टाकळवाडे, राजाळे, जाधववाडी (तां) या नऊ ग्रामपंचायतीवर, विस्तार अधिकारी (शिक्षण) ए. एन. संकपाळ यांची पिंपळवाडी, कोरेगाव, रावडी बुद्रुक, खराडेवाडी, होळ, मुरुम, खामगाव, रावडी खुर्द या आठ ग्रामपंचायतीवर, विस्तार अधिकारी (पंचायत) एस. के. जमदाडे यांची आरडगाव, तांबवे, तडवळे, डोंबाळवाडी, काळज, तावडी, कापडगाव, शेरेचीवाडी (हिं), हिंगणगाव या नऊ ग्रामपंचायतीवर प्रशासक म्हणून नियुक्ती करण्यात आली आहे. 

संपादन : बाळकृष्ण मधाळे