मलकापूर (जि. सातारा) : सातारा जिल्हा ऍथलेटिक्‍स असोसिएशनची आंतरराष्ट्रीय खेळाडू स्नेहा जाधव हिने पतियाळा (पंजाब) येथे झालेल्या 24 व्या राष्ट्रीय फेडरेशन स्पर्धेत महिला खुल्या गटात हातोडाफेक क्रीडा प्रकारात 53.99 मीटर अंतर पार करीत 15 वर्षांपूर्वीच्या 51.89 मीटर या राखी गौंडच्या विक्रमाला मागे टाकून नवीन राज्यस्तरीय विक्रम प्रस्थापित केला. तिने राष्ट्रीय फेडरेशन स्पर्धेत चतुर्थ स्थानापर्यंत मजल मारली. 

या यशाबद्दल तिचा व तिला मार्गदर्शन करणारे एनआयएस प्रशिक्षक दिलीप चिंचकर यांचा सातारा जिल्हा ऍथलेटिक्‍स असोसिएशनचे उपाध्यक्ष अशोकराव थोरात यांच्या हस्ते सन्मान झाला. उपाध्यक्ष शशिकांत पाटील, निरंजन साळुंखे, राष्ट्रीय प्रशिक्षक अतुल पाटील, संजय राठोड, खजिनदार प्रा. अमितराज माने, सचिव योगेश खराडे, राष्ट्रीय खेळाडू संग्राम बाबर, मोहसीन मोमीन उपस्थित होते. 

Video पाहा : भाजप हटाव, देश बचाव; काँग्रेस - राष्ट्रवादी काँग्रेस कार्यकर्त्यांच्या घाेषणांनी कराड दणाणले

चुकीला माफी नाही; गृहराज्यमंत्र्यांची स्पष्टाेक्ती

Edited By : Siddharth Latkar