भुईज : पुणे-बंगळूर महामार्गावर सातारच्‍या बाजूने निघालेल्या दुचाकीला समोरून येणाऱ्या जीपने धडक दिल्याने दुचाकीवर पाठीमागे बसलेली महिला रस्त्यावर पडून तिच्या अंगावरून टँकरचे चाक गेल्याने महिला जागीच ठार झाली.

मंगळवारी दुपारी १२ च्या दरम्यान खंबाटकी घाट उतरल्यानंतर सातारच्या बाजूने निघालेली दुचाकी हिला विरुद्ध दिशेने येणाऱ्या अज्ञात जीपने धडक दिल्याने पाठीमागे बसलेली महिला रस्त्यावर पडली व पाठीमागून येणाऱ्या टँकर (क्रमांक एमएच ०४ जीएफ ८५१०) याचे चाक महिलेच्या अंगावर गेल्याने जागीच ठार झाली.

संबंधित महिला खंडाळा येथील असून सीताबाई गेनबा चव्हाण (वय ६३) असे तिचे नाव आहे व तिचा पती गेनबा चव्हाण (वय ६५) हे गंभीर जखमी असून त्यांना उपचारासाठी दाखल केले आहे. याची नोंद भुईंज पोलिसात झाली आहे.