वाई (जि. सातारा) : राज्यात महिलांवर होणाऱ्या अत्याचाराच्या वाढत्या प्रमाणावर अंकुश घालता न आल्यामुळे महाविकास आघाडी सरकारच्या विरोधात वाई शहर भाजपच्या वतीने महाआंदोलन करण्यात आले. यावेळी ठाकरे सरकारच्या निषेधाच्या घोषणा देण्यात आल्या. तसेच प्रांताधिकाऱ्यांना निवेदन देण्यात आले. 

महाविकास आघाडी सरकारच्या काळात अवघ्या महाराष्ट्रात महिला सुरक्षेचा प्रश्न गंभीर झाला आहे. अनेक ठिकाणी बलात्कार, अत्याचार, विनयभंग, हत्याकांडाचे सत्र सुरू आहे. कोरोना महामारीसारख्या अतिसंवेदनशील काळातही कोविड सेंटर व हॉस्पिटलमध्ये महिलांवरील अत्याचार व विनयभंग झाले. पीडित महिलांच्या कुटुंबीयांना न्याय मिळावा म्हणून भारतीय जनता पार्टीने वेळोवेळी कारवाईची मागणी केली. राज्याचे मुख्यमंत्री उद्धव ठाकरे यांना सदर घटनांबद्दल निवेदनही पाठवले. परंतु, सदर निवेदनाचे गांभीर्य लक्षात घेऊन त्याला साधा विधायक प्रतिसाद देण्याची शिष्टाई देखील मुख्यमंत्र्यांनी दाखवली नाही. त्यामुळे हे निषेध आंदोलन केले. 

सातारा जिल्ह्यात पावसाचे थैमान; पिकांसह रस्ते पूल गेले वाहून

याबाबत प्रांताधिकारी संगीता राजापूरकर-चौगुले यांना निवेदन देण्यात आले. या वेळी जिल्हा सरचिटणीस सचिन घाटगे, शहराध्यक्ष राकेश फुले, यशवंत लेले, काशिनाथ शेलार, नगराध्यक्षा डॉ. प्रतिभा शिंदे, मनीषा घैसास, डॉ. शष्मिता जैन, नरेंद्र महाजन, अजय कामठे, मंजूषा भाटे, उत्तम जायगुडे, दीपक जाधव, प्रसाद चरेगावकर, ज्योती गांधी, तेजस जमदाडे, सूरज जमदाडे, आदित्य गांधी, महेश गाडे, अभिजित ननावरे, अभिजित सुतार, केतन रासकर, तुषार सुळके, केशव सूर्यवंशी, अरविंद बोपर्डीकर, आनंदा सुकाळे, मानसी पटवर्धन, सुषमा शिंदे, कविता जेबले, भारती कुलकर्णी, प्रथमेश जमदाडे, अमित जमदाडे, विशाल फरांदे, साहिल जमदाडे आदी उपस्थित होते. 

संपादन : बाळकृष्ण मधाळे