सातारा : बेरोजगार तरुणांना नौदल, आर्मी, ओएनजीसी तसेच बॅंकेत नोकरी लावण्याचे आमिष दाखवून एक कोटींची फसवणूक करून वर्षाभरापूर्वी पसार झालेल्या दोघांना बोरगाव पोलिस आणि सहायक पोलिस अधीक्षक समीर शेख यांच्या पथकाने अटक केली.
सातारकरांनो, मला माफ करा.. मी तुमच्यापासून एक गोष्ट लपवलीय

सातारा जिल्ह्यातील सातारा, कोरेगाव, माण, जावळी, कऱ्हाड, पाटण या तालुक्‍यांतील बेरोजगार तरुण, तरुणींना नौदल, आर्मी, ओएनजीसी तसेच बॅंकेत नोकरी लावतो, असे आमिष संशयितांनी दाखवले होते. या तरुणांना त्यांनी कोलकाता येथे नेऊन बनावट नियुक्तिपत्र दिले. त्यानंतर त्यांच्याकडून प्रत्येकी तीन ते पाच लाख रक्कम स्वीकारली. अशी सुमारे एक कोटींची रक्कम या युवकांकडून त्यांनी उकळली. फसवणूक झालेल्या युवकांनी मागील वर्षी बोरगाव पोलिस ठाण्यात फसवणुकीचा गुन्हा दाखल केला होता.

सातारा : स्वत:हून होम आयसोलेशनचा निर्णय आला अंगलट

या प्रकरणी काही संशयितांना अटक करून पोलिसांनी न्यायालयात दोषारोपत्रही दाखल केले होते. परंतु, त्यातील दोघे पसार होते. अखेर पाेलिसांना नीलेश महादेव कोकणी (दहिवडी, ता. माण), सचिन केपन्ना तरपदार (वय 34, रा. गडहिंग्लज, जि. कोल्हापूर) या दाेघांना पकडण्यात यश आले.

कोल्हापुरातील ऍट्रॉसिटी गुन्हा मागे घेण्यासाठी लाखोंच्या खंडणीची मागणी 

दरम्यान, कोकणी हा दोन दिवसांपूर्वी दहिवडीत आला असल्याची माहिती सहायक पोलिस निरीक्षक डॉ. सागर वाघ यांना मिळाली. त्यानंतर त्यांनी आपल्या टीमसह दहिवडी गाठले. तेथे सापळा रचून कोकणीला अटक केली. दुसरा संशयित सचिन हा पनवेल येथे असल्याची माहिती शेख यांच्या पथकाला मिळाली. त्यानुसार त्यांच्या पथकाने तेथे जाऊन तरपदारला अटक केली.

एक लाख दे, नाहीतर तुझं करिअर बरबाद करु; वन कर्मचाऱ्यांवर गुन्हा

Edited By : Siddharth Latkar