कऱ्हाड (जि. सातारा) : जेवणाच्या पार्टीत घरी जा, असे म्हणणाऱ्यावर तलवारीने वार केल्याची घटना टेंभू (ता. कऱ्हाड) येथे काल रात्री उशिरा घडली. कुलदीप संजय थोरात (वय 28 रा. कार्वे) असे जखमी झालेल्याचे नाव आहे. त्याने दिलेल्या फिर्यादीवरून गुन्हा दाखल झाला आहे.
पोलिसांनी दिलेली माहिती अशी, कुलदीप थोरातच्या टेंभू येथील शेतात काल जेवणाची पार्टी होती. त्या पार्टीत रात्री गोंधळ झाला. त्यात जेवणासाठी कुलदीपचे मित्र हर्षल थोरात, संतोष खेराडकर, बंडा कोळी, ऋषभ थोरात (सर्व रा. कार्वे) उपस्थित होते. पार्टीला अनिकेत हिरोजी त्यांचा मित्र स्वप्नील थोरात, शुभम होते. वस्तीवरील शेतात पार्टी करत असताना स्वप्नील थोरात मोठमोठ्याने ओरडून दंगा करू लागला. त्यामुळे कुलदीपने त्यास तू येथून जा, असे म्हणाला. त्याचा राग आल्याने स्वप्नील निघून गेला. तो गजानन सोसायटी येथील त्याचे मित्र गणेश काटकर, बाब्या कुलकर्णी, अक्षय पुजारी यांना कारमधून घेऊन तेथे आला, असे फिर्यादीत म्हटले आहे. थोरातने त्याच्या हातातील तलवारीने कुलदीपवर वार केला. तो कुलदीपच्या डोक्‍यात लागला आहे. त्याला जखम झाली आहे. गणेश काटकर, बाब्या कुलकर्णी, अक्षय पुजारी यांनीही मारहाण केली आहे. त्यात हर्षल थोरात, संतोष खेराडकर, बंडा कोळी, ऋषभ थोरात यांना मार लागला आहे. चौघांवर पोलिसात गुन्हा दाखल झाला आहे.
कऱ्हाड जनतातील दोषींवर रिझर्व्हने गुन्हा दाखल करावा; ठेवीदारांची आग्रही मागणी
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.