फलटण (जि. सातारा) : कोरोना चाचणी करण्यास टाळाटाळ करणाऱ्या व घरातील व्यक्तींना क्वारंटाइन करण्यासाठी गेलेल्या महसूल, डॉक्टर व पोलिस कर्मचारी यांच्या पथकाशी वाद घालून शासकीय कामात अडथळा आणल्याबद्दल जाधववाडी येथील एका विरोधात गुन्हा दाखल करण्यात आला आहे.
याबाबत फलटण शहर पोलिस ठाण्यातून मिळालेली माहिती अशी, की ता. १८पासून ता. २० या कालावधीत जाधववाडी (ता. फलटण) येथील बिरदेवनगरमध्ये विशाल दिलीप कदम याला व त्याच्या घरातील सात सदस्य अतिसंवेदनशील आहेत. त्यांची कोरोना चाचणी घेण्याकरिता वारंवार विशाल कदम यांच्यामार्फत बोलावले. परंतु, जाणीवपूर्वक चाचणी न करता हॉस्पिटलमध्ये आला नाही. तसेच महसूल, डॉक्टर व पोलिस विभागाचे कर्मचारी यांचे पथक घरातील व्यक्तींना घेण्याकरिता व क्वारंटाइन करण्यासाठी काल गुरुवारी (ता. २०) दुपारी तीन वाजता गेले असता विशाल कदम याने पथकासोबत वाद घातला. घराचा दरवाजा लावून घेतला व शासकीय कामात व्यत्यय आणला.
त्याच्या या कृत्यामुळे कोरोना विषाणूचा प्रसार होण्यास व शेजारील लोकांना लागण होण्याची शक्यता निर्माण झाली आहे. डॉक्टर व महसूल अधिकाऱ्यांनी दिलेल्या सूचनांच्या आदेशाचे पालन केलेले नाही, म्हणून कदम याच्यावर गुन्हा दाखल करण्यात आला आहे. याबाबतची फिर्याद मंडलाधिकारी विलास जोशी यांनी दिली आहे. पुढील तपास पोलिस नाईक गिरी करीत आहेत.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.