कोयनानगर (ता. सातारा) : कोयना धरण व कोयना जलविद्युत प्रकल्पाच्या पाहणीसाठी 10 डिसेंबरला मुख्यमंत्री व महाविकास आघाडी शासनाचे अर्धा डझन मंत्री कोयनानगर येथे येत आहेत. मुख्यमंत्र्यांच्या स्वागतासाठी कोयनानगरी सज्ज झाली आहे. अनेक वर्षापासून डांबर न पडलेल्या रस्त्यावर प्रथमच डांबर पडून रस्ते चकाचक झाले आहेत. मुख्यमंत्र्यांच्या दौऱ्यामुळे प्रथमच कोयनानगरचा लुक बदलत आहे.

राज्याला अब्जावधी रुपयांचा महसूल मिळवून देणारे व राज्यात हरितक्रांतीला चालना देणारे कोयना धरण व जलविद्युत आहे. दहा वर्षापासून कोयना धरण व कोयना प्रकल्प असुविधाचा सामना करत आहे. शासनाकडून या प्रकल्पाला सहकार्य नसल्यामुळे त्याला घरघर लागली आहे. अनेक बहुउद्देशीय कामे ठप्प असल्याने कोयना प्रकल्पाची अवस्था किल्लारी प्रकल्पासारखी झाली आहे. कोयना प्रकल्पात कर्मचारी व अधिकारी वर्गाची अनेक पदे रिक्त आहेत. कोयना प्रकल्पात निधीची चणचण भासत असल्याचे कारण पुढे करूत कोयनेत काम झाले नाही. त्यामुळे कोयना वसाहतीची दुरावस्था झाली आहे. मुख्यमंत्र्यासह मंत्री आदित्य ठाकरे अन्य मंत्र्यांच्या दौऱ्यामुळे नेहमीच निधीची चणचण भासणाऱ्या परिसरात सुशोभिकरणाचे काम सुरु आहे.

दीड वर्षात कऱ्हाड तालुक्‍यातील तब्बल 53 सहकारी संस्था दिवाळखोरीत!

संपादन : बाळकृष्ण मधाळे