कुडाळ (सातारा) : येथे आज अत्यावश्यक सेवा (मेडिकल आणि दवाखाने) वगळता सर्व दुकाने व भाजीपाला बंद ठेवण्यात आली. व्यापाऱ्यांनी जनता कर्फ्यूला शंभर टक्के प्रतिसाद देऊन कडकडीत बंदचे पालन केले. कोरोनाच्या प्रादुर्भावामुळे येथील आपत्ती व्यवस्थापन समिती, ग्रामपंचायत व ग्रामस्थांनी घेतलेल्या निर्णयानुसार आजपासून आठ दिवसांसाठी जनता कर्फ्यू लागू करण्यात आल्याचे घोषित केले होते.
त्यानुसार संचारबंदीचे तंतोतंत पालन करण्यात येत असल्यामुळे खऱ्या अर्थाने बाजारपेठेसह संपूर्ण गावात सामसूम दिसून आली. गेल्या दोन दिवसांत जावळीत 160 पेक्षा अधिक कोरोना रुग्ण आढळले होते. कुडाळ हे तालुक्यातील मुख्य बाजारपेठेचे ठिकाण असल्याने परिसरातील नागरिकांची मोठ्या प्रमाणात गर्दी येथे होते. त्यामुळे कोरोना संसर्गाची वाढती साखळी तोडण्यासाठी हा कठोर निर्णय कालच्या बैठकीत घेण्यात आला होता.
या निर्णयाचे ग्रामस्थांसह व्यापाऱ्यांनीही काटेकोरपणे पालन करत बाजारपेठ शंभर टक्के बंद ठेवली. दिवसभरात दवाखान्याला जाणारे रुग्ण व शासकीय कर्मचाऱ्यांशिवाय रस्त्यावर कोणीही फिरकले नाही. परिसरातील वाहतूक व्यवस्थाही पूर्णपणे बंद होती. जनता कर्फ्यूच्या आदेशाच्या पार्श्वभूमीवर पोलिस प्रशासन अत्यंत सतर्क असून, चोख बंदोबस्त ठेवण्यात आला आहे. आवश्यक ती गस्तही वाढविण्यात आल्याचे सहायक पोलिस निरीक्षक महेश कदम यांनी सांगितले.
Edited By : Balkrishna Madhale
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.