सातारा : जिल्ह्यात लॉकडाउन (Lockdown) सुरू असला, तरी कोरोना बाधितांची (Corona patient) संख्या वाढतच आहे. रूग्णवाढीचा आकडा झटक्यात हजाराच्या खाली येत आहे, तर अचानक दोन हजाराच्या वर उसळी घेत आहे. जिल्ह्यात काल रात्री 12 वाजेपर्यंत जाहीर करण्यात आलेल्या रिपोर्टनुसार, 1588 नागरिकांचे अहवाल कोरोना बाधित आले असून 43 बाधितांचा मृत्यू झाल्याची माहिती जिल्हा आरोग्य अधिकाऱ्यांनी (Health Officer) दिली. (Corona Test Positive Of 1588 Citizens In Satara District Today)

तालुकानिहाय कोरोना बाधितांची संख्या, तर आजअखेर बाधित रुग्णांची संख्या कंसात पुढीलप्रमाणे : जावली 42 (7770), कराड 237 (23033), खंडाळा 102 (10702), खटाव 249 (16635), कोरेगांव 257 (14866), माण 129 (11813), महाबळेश्वर 22 (4099), पाटण 81 (7191), फलटण 108 (26860), सातारा 294 (36230), वाई 58 (11798) व इतर 9 (1088) असे आजअखेर एकूण 172085 नागरिकांचे अहवाल कोरोना बाधित आहेत.

तसेच आज मृत्यू झालेल्या बाधितांची संख्या, तर आजअखेर मृत्यू झालेल्या रुग्णांची संख्या कंसात पुढीलप्रमाणे : जावली 1 (171), कराड 7 (664), खंडाळा 2 (138), खटाव 0 (425), कोरेगांव 3 (328), माण 8 (225), महाबळेश्वर 0 (44), पाटण 3 (160), फलटण 2 (258), सातारा 15 (1079), वाई 2 (309) व इतर 0, असे आजअखेर जिल्ह्यामध्ये एकूण 3801 कोरोना बाधितांचा मृत्यू झाला आहे.

जिल्ह्यात 836 नागरिकांना आज डिस्चार्ज

जिल्ह्यात विविध रुग्णालय, कोरोना केअर सेंटर, डिसीएचसी व सीसीसीमध्ये उपचार घेत असलेल्या 836 नागरिकांना आज घरी सोडण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.

• एकूण नमुने - 835039

• एकूण बाधित - 172085

• घरी सोडण्यात आलेले - 151225

• मृत्यू - 3801

• उपचारार्थ रुग्ण - 17055

Corona Test Positive Of 1588 Citizens In Satara District Today