सातारा : कोरोनाचा संसर्ग (Coronavirus) वाढत असल्याने जिल्ह्यात 15 एप्रिलपासून अंशत: लॉकडाऊन (Lockdown) सुरू झाला. नुकताच लॉकडाऊन आणखी कडक करण्यात आला आहे. 21 दिवस जिल्हा बंद अवस्थेत असूनही कोरोनाच्या आकड्यांची गती मंदावत नसल्याचे दिसत आहे. जिल्ह्यात काल रात्री 12 वाजेपर्यंत जाहीर करण्यात आलेल्या रिपोर्टनुसार, 2379 नागरिकांचे अहवाल कोरोना बाधित आले असून 44 बाधितांचा मृत्यू झाल्याची माहिती जिल्हा आरोग्य अधिकाऱ्यांनी दिली. (Corona Test Positive Of 2379 Citizens In Satara District Satara News)

तालुकानिहाय कोरोना बाधितांची संख्या, तर आजअखेर बाधित रुग्णांची संख्या कंसामध्ये पुढीलप्रमाणे : जावली 102 (5760), कराड 270 (17761), खंडाळा 176 (7419), खटाव 216 (10436), कोरेगांव 228 (10186), माण 129 (7741), महाबळेश्वर 27 (3511), पाटण 143 (5063), फलटण 436 (15952), सातारा 446 (27286), वाई 176 (9031 ) व इतर 30 (670) असे आजअखेर एकूण 120824 नागरिकांचे अहवाल कोरोना बाधित आहेत.

Good News : जिल्हा बॅंकेकडून व्हेंटिलेटरसाठी तीन कोटी; आमदार शिवेंद्रसिंहराजे, रामराजेंचा पुढाकार

तसेच आज मृत्यू झालेल्या बाधितांची संख्या, तर आजअखेर मृत्यू झालेल्या रुग्णांची संख्या कंसामध्ये पुढीलप्रमाणे : जावली 0 (108), कराड 10 (495), खंडाळा 2 (94), खटाव 5 (289), कोरेगांव 2 (257), माण 4 (159), महाबळेश्वर 0 (36), पाटण 3 (128), फलटण 3 (206), सातारा 12 (826), वाई 3 (228) व इतर 0 असे आजअखेर जिल्ह्यामध्ये एकूण 2828 कोरोना बाधितांचा मृत्यू झाला आहे.

1936 नागरिकांना आज डिस्चार्ज

जिल्ह्यात विविध रुग्णालयात आणि कोरोना केअर सेंटर, डीसीएचसी व सीसीसीमध्ये उपचार घेत असलेल्या (आज संध्याकाळपर्यंत) 1936 नागरिकांना घरी सोडण्यात आल्याची माहिती जिल्हा शल्यचिकित्सक डॉ. सुभाष चव्हाण यांनी दिली.

• एकूण नमुने - 592238

• एकूण बाधित - 120804

• घरी सोडण्यात आलेले - 96070

• मृत्यू - 2828

• उपचारार्थ रुग्ण - 21847

Corona Test Positive Of 2379 Citizens In Satara District Satara News