म्हसवड : माण तालुक्यातील पळशी येथे कुशा चंदर जाधव या कातकरी समाजातील परप्रांतीय कोळसा व्यापाऱ्याची जिभ कापून कुऱ्हाडीने निर्घृणपणे हत्या केल्याची घटना आज दुपारी चारच्या सुमाराय घडली. कातकरी समाजातील दोन ते तीन कुटुंब व्यवसायानिमित्त पळशी येथे वास्तव्यास होती. त्यांच्यात अंतर्गत वादाचे मारहाणीत रुपांतर होऊन कुशा चंदर जाधव नामक व्यक्तीचा कुराडीने घाव घालून खून करण्यात आला.

सदर मयत व्यक्तीचा खुन करुन क्रुरपणे जीभ तोडल्याची प्राथमिक माहिती मिळाली आहे. हल्लेखोर तेथून पसार झाला आहे. हल्लेखोर व मयत दोघेही परप्रांतीय असल्याने अद्याप नावे समजू शकले नाहीत. अधिकचा तपास म्हसवड पोलीस स्टेशनचे सहायक पोलिस निरीक्षक बाजीराव ढेकळे करीत आहेत.