कऱ्हाड (जि. सातारा) : शेतकऱ्यांनी मोठ्या कष्टाने घेतलेली खरीप हंगामातील पिके त्यांच्या डोळ्यादेखत वाया गेली. वादळी पावसाने शेतकऱ्यांच्या आशेवर पाणी फिरवले. नुकसानीचे पंचनामे करण्यात आले. त्यामध्ये तालुक्‍यातील 179 गावांतील शेतकऱ्यांचे सुमारे 800 एकरांवरील नुकसान झाल्याचे समोर आले आहे. त्यामध्ये भात, सोयाबीन, भुईमूग व खरीप ज्वारी या पिकांचा मोठ्या प्रमाणात समावेश आहे. 

वादळी पावसाने खरिपातील पिकांचे मोठे नुकसान झाले. सलग चार दिवस पाऊस पडल्याने ऐन खरीप हंगामातील पिके काढण्याच्या टप्प्यातच पाऊस आल्याने पिकांचे मोठे नुकसान झाले. त्यामुळे शेतात पाणी साचून काढणीस आलेल्या पिकांवरच पाणी फिरले. काढणी सुरू असतानाच सोयाबीन पाण्यात गेले. भुईमुगाच्या शेंगांना जमिनीखालीच मोड आले, भात आणि ऊस पीक पावसाने जमीनदोस्त झाले. खरीप ज्वारी काळी पडली. या नुकसानीचे पंचनामे करण्याचे आदेश शासनाने दिले. त्यानुसार कृषी सहायक, तलाठी व ग्रामसेवकांनी पंचनामे केले.

क्राईम रेट नियंत्रणासाठी युवक रडारवर; पोलिसांचा सोशल इंजिनिअरिंग फंडा

तालुक्‍यातील 179 गावांतील पिकांचे नुकसान झाले आहे. आत्तापर्यंत 122 गावांतील नुकसानीचे पंचनामे झाले आहेत. त्यामध्ये भात, सोयाबीन, भुईमूग, खरीप ज्वारी, भाजीपाल्याचा समावेश आहे. सुमारे 700 एकरांवरील पिकांचे नुकसान झाले आहे. काढणीस आलेली पिके मातीमोल झाल्याने शेतकऱ्यांच्या हातात यंदाच्या हंगामातून काहीच उत्पन्न मिळणार नाही. त्यामुळे शासनाने तातडीने भरपाई द्यावी, अशी मागणी शेतकऱ्यांनी केली आहे. कऱ्हाड तालुक्‍यातील निगडी, घोलपवाडी, गायकवाडवाडी या गावांना वादळी पावसाचा मोठा फटका बसला आहे. तेथे प्रामुख्याने खरीप ज्वारीचे मोठे नुकसान झाले आहे. त्या गावातील पिकांच्या नुकसानीचे पंचनामे करण्यात आले आहेत. त्यामुळे तेथील शेतकऱ्यांनी तातडीने नुकसानभरपाई द्यावी, अशी मागणी केली आहे. 

कऱ्हाडला प्रादेशिक पाणी योजनांसाठी 60 कोटी; शासनाकडून तरतूद

कऱ्हाड तालुक्‍यात पावसाने नुकसानीचे पंचनामे पूर्णत्वाकडे आले आहेत. सुमारे 325 हेक्‍टरांवरील पिकांचे नुकसान झाले आहे. भात, सोयाबीन, भुईमूग व खरीप ज्वारीचे मोठे नुकसान आहे. 
-रियाज मुल्ला, तालुका कृषी अधिकारी, कऱ्हाड 

संपादन : बाळकृष्ण मधाळे