सातारा : मॉर्निंग वॉकला गेलेल्या सोनगाव संमत निंब (ता. सातारा) येथील महिलेचा काल सकाळी कॅनॉलमधील पाण्यात बुडून मृत्यू झाला. याची प्राथमिक नोंद सातारा शहर पोलिस ठाण्यात झाली आहे.
सोनगाव संमत निंब येथे वंदना सूर्यकांत शिंदे (वय 45) या राहण्यास होत्या. काल सकाळी त्या नेहमीप्रमाणे घरातून मॉर्निंग वॉकसाठी बाहेर पडल्या. बराच वेळ झाला तरी त्या न परतल्याने कुटुंबीयांनी त्यांचा शोध सुरू केला. शोधादरम्यान गावाजवळच्या कॅनॉलच्या काठावर त्यांच्या चप्पला पडल्याचे दिसल्या. यानंतर त्यांचा कॅनॉलमधील पाण्यात शोध घेण्याचे काम हाती घेण्यात आले.
शोधादरम्यान पाण्यात बुडालेल्या शिंदे यांना बाहेर काढण्यात आले. त्यांनतर उपचारासाठी जिल्हा शासकीय रुग्णालयात दाखल करण्यात आले. याठिकाणी झालेल्या वैद्यकीय तपासणीअंती शिंदे यांना मृत घोषित करण्यात आले. शासकीय सोपस्कार पार पडल्यानंतर त्यांचा मृतदेह नातेवाईकांच्या ताब्यात देण्यात आला. याची प्राथमिक नोंद सातारा शहर पोलिस ठाण्यात झाली आहे.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.