सातारा : सोनगाव व शहापूर या दरम्यान उरमोडी नदीवरील सातारा-आसनगाव रस्त्यावरील प्रस्तावित पुलास अडथळा ठरणारी अतिक्रमणे काढून रस्ता पूर्ववत खुला करावा, अशी मागणी छत्रपती शिवाजी महाराज उरमोडी, कुमठे उतार पूल समितीने तहसीलदरांना निवेदनाद्वारे केली आहे.
 
याबाबत सातारा-आसनगाव हा रस्ता पूर्वीचा जुना रस्ता असून, गाव नकाशामध्ये स्पष्ट उल्लेख करण्यात आला आहे. मात्र, या रस्त्यावर जनार्दन काशिनाथ माने यांनी अनधिकृत पत्र्याचे शेड उभारून अतिक्रमण करत रस्ताच बंद केला आहे, तसेच काही ठिकाणी चर खोदून रस्त्याची अडवणूक करून त्यांच्या सोयीनुसार दुसरा रस्ता तयार केला आहे. सातारा-आसनगाव रस्त्यावरील उरमोडी नदीवर साकव पूल मंजूर झाला आहे; परंतु या ठिकाणी झालेल्या अनधिकृत अतिक्रमणामुळे नियोजित पुलाचे काम रखडण्याची शक्‍यता आहे. त्यामुळे संबंधित ठिकाणी झालेली अतिक्रमणे लवकरात-लवकर काढावीत, अशीही मागणी समितीने निवेदनात केली आहे.

नकली नाेटा बाजारात आणण्यापुर्वीच सातारा पाेलिसांनी उधळला डाव; तिघांना अटक  

संपादन : बाळकृष्ण मधाळे