सातारा : सातारकरांना गेल्या अनेक वर्षांपासून प्रतिक्षीत असलेला शहराचा हद्दवाढीचा निर्णय घेऊन राज्य शासनाने सुखद धक्का दिला आहे. उपमुख्यमंत्री अजित पवार यांनी आज (मंगळवार) सकाळच्या प्रहरी आमदार शिवेंद्रसिंहराजे भाेसले यांना हद्दवाढीचा आदेश दिला. याबाबतची माहिती सुरुची बंगला येथील आमदार शिवेंद्रसिंहराजेंच्या कार्यालयातून देखील देण्यात आली.
सातारा शहरानजीकची उपनगरे शहरात यावीत यासाठी सातत्याने लाेकप्रतिनिधींचे प्रयत्न सुरु हाेते. यामध्ये आमदार शिवेंद्रसिंहराजे यांनी कायम पाठपूरावा सुरु ठेवला हाेता. त्यास यश आले आहे. राज्य शासनाने सातारा शहराची हद्दवाढीचा निर्णय घेतला.
लाहोटी, झंवर, सारडा, लढ्ढा, राठी चमकले; माहेश्वरीची काैतुकाची थाप
आज (मंगळवार) उपमुख्यमंत्री अजित पवार यांनी आमदार शिवेंद्रसिंहराजेंना हद्दवाढीचा आदेशच सुपुर्द केला. अद्याप काेणती उपनगरे यामध्ये समाविष्ट झाली आहेत याची माहिती मिळू शकली नसली तरी शाहूपूरी, शाहूनगर यासह अन्य उपनगरे शहरात समाविष्ट हाेतील असा अंदाज व्यक्त हाेत आहे.
आमच्यात भेदभाव कशासाठी?, सैनिकांचा सरकारला सवाल
सहकारमंत्री (कै.) अभयसिंहराजे भोसले यांनी शाहूनगरीच्या विकासासाठी पाहिलेले स्वप्न शिवेंद्रसिंहराजेंनी पूर्ण केले. सन १९७१ पासून प्रलंबित असलेल्या सातारच्या हाद्दवाढीचा प्रश्न अखेर सोडवल्याचे त्यांचे निकटचे कार्यकर्त्यांनी नमूद केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.