सातारा : विद्यार्थ्यानी फी भरली नाही म्हणून त्यांना ऑनलाईन शिक्षणापासून शाळांनी वंचित ठेवू नये अन्यथा कारवाईस सामोरे जावे लागेल असा इशारा शिक्षणाधिकारी (माध्यमिक) राजेश क्षीरसागर यांनी शैक्षणिक संस्थांना दिला आहे.
 
साता-यातील काही शाळा आणि महाविद्यालयांमध्ये विद्यार्थ्यांना फी भरा अन्यथा तुम्हांला शैक्षणिक वर्गापासून दूर ठेवू अशी सूचना सातत्याने सांगितली जाते. विद्यार्थ्यांचे शैक्षणिक नुकसान होऊ नये यासाठी पालक वर्ग शाळांकडून मुदत मागून फी भरतात. काही ठिकाणी मात्र फी भरली जात नसल्याने शाळा व्यवस्थापन आणि पालक यांच्यात वाद होताना दिसतात. बहुतांश वेळा हे वाद मिटतात. त्यामुळेच शिक्षण विभाग पर्यंत गोष्टी पोचत नाहीत. काही दिवसांपुर्वी असाच प्रकार एका इंग्रजी माध्यमाच्या शाळा व्यवस्थापनेकडून झाला. त्यानंतर संतप्त पालकांनी जिल्हा प्रशासनासह शिक्षण विभागात धाव घेतली.

देशप्रेमाने भारावलेला तारळ्यातील 'गजानन' देताे सैनिकांना माेफत वाहन सेवा

पालकांच्या तक्रारींची दखल घेऊन युनिव्हर्सल नॉलेज स्कूल या शाळेस शिक्षणाधिकारी (माध्यमिक) राजेश क्षीरसागर यांनी पत्र पाठवून विद्यार्थ्यांचे शैक्षणिक नुकसान होऊ नये याची काळजी घेण्याचे आवाहन केले आहे. युनिव्हर्सल नॉलेज स्कूल या शाळेच्या सर्व पालकांनी शाळा पुर्ण क्षमतेने सुरु नसताना सर्व ऍक्‍टीव्हिटी पुर्णाशाने होत नसताना प्रशासन पुर्ण फी साठी विद्यार्थ्यांना ऑनलाईन शिक्षणापासून वंचित ठेवत असून व्हॉटसऍप ग्रुपमधून काढून टाकत असलेबाबत व त्यामुळे पालक व विद्यार्थी यांच्या मानसिकतेवर विपरीत परिणाम होत असलेबाबतची तक्रार करण्यात आली आहे.

त्यानूसार क्षीरसागर यांनी शाळेस पाठविलेल्या पत्रात सन 2020-21 या शैक्षणिक वर्षाची पालक शिक्षक संघाच्या सभेमधील ठराव तसेच इतिवृत्ताची प्रत या कार्यालयास दोन दिवसांत सादर करावी. शाळेतील कोणत्याही विद्यार्थ्याला फी भरली नाही म्हणून ऑनलाईन शिक्षणापासून वंचित ठेवता येणार नाही याची दक्षता घ्यावी असे नमूद केले आहे.

पालकांनो विश्‍वास ठेवा आणि मुलांना शाळेत पाठवा