भिलार (जि. सातारा) : गणेशपेठ रुईघर येथील स्वीट मेमरिज या निवासी इंग्रजी माध्यमाच्या शाळेची आर टी ई मान्यता रद्द केल्याचे पत्र सातारा जिल्हा परिषदेच्या शिक्षणाधिकारी (प्राथमिक) प्रभावती कोळेकर यांनी दिले आहे. यामुळे पाचगणीच्या शैक्षणिक क्षेत्रात खळबळ उडाली आहे. मु पो पाटखळ तालुका जिल्हा सातारा येथील राजेंद्र गोरखनाथ काळे यांनी याबाबत आपले सरकार टोकणवर तक्रार नोंदवली होती. त्यांनी २२ जानेवारी २०२१ रोजी तक्रार निवारण प्रणालीवर अर्ज केला होता.

यानुसार स्वीट मेमरी हायस्कूल रुईघार ही शाळा सन १९९५ साली महाबळेश्वर तालुक्यातून जावली तालुक्यातील रुईघरया ठिकाणी स्थलांतरित आहे. त्यामुळे बालकांच्या मोफत व सक्तीच्या शिक्षणाचा अधिकार अधिनियम २००९ नुसार कलम १८ अन्वये सदर अर्जाची शिक्षण अधिकाऱ्यांनी पडताळणी केली असता तक्रारीत तथ्य आढळून आले. त्यावर एक मे 2019 ते 31 मार्च 2022 अखेर दिलेली आर टी ई मान्यता रद्द करीत आल्याचे शिक्षणाधिकारी प्रभावती कोळेकर यांनी कळवले आहे.

स्थलांतरण असूनही याकडे शिक्षण विभागाने डोळेझाक केली असा ही प्रश्न या निमित्ताने पुढे आला आहे. दरम्यान आर टी ई मान्यता रद्द झाल्याची घटना सातारा जिल्ह्यात तसेच पाचगणीतील शिक्षण क्षेत्रात पहिल्यांदाच घडल्याने या घटनेची सर्वत्र चर्चा सुरू आहे.

पाेलिसांनी पकडल्यानंतर गजा मारणे म्हणाला, फक्त दोनच दिवस राहिले होते

तुम्हाला माहितीय? 15 व्या शतकातील चीनी कलाकृतीच्या Porcelain Bowl ची किंमत $500,000 डॉलर्स इतकी आहे! 

स्वीडनमध्ये 1300 वर्षांपूर्वीच्या रहस्यमय गोष्टीचा शोध; Gold Foil मध्ये दिसली मिठी मारणारी जोडपी

शिव हर शंकर नमामि शंकर शिव शंकर शंभो! काेराेनाचे संकट टळू दे; भाविकांचे साकडे 

दिलासादायक! साताऱ्यात 212 गावांनी कोरोनाला वेशीबाहेरच रोखलं; पाटण तालुका आघाडीवर

Edited By : Siddharth Latkar