सातारा : शहरातील पोलिस परेड मैदानाशेजारी असणाऱ्या प्रशासकीय इमारतीमधील लिफ्ट मागील काही महिन्यांपासून बंद आहे. त्यामुळे नागरिकांची मोठ्या प्रमाणात गैरसोय होत असल्याने लवकरात-लवकर लिफ्ट सुरू करावी, अशी मागणी नागरिकांनी केली आहे.
शहरातील प्रशासकीय इमारतीत मोठ्या प्रमाणात नागरिकांची वर्दळ असते. या ठिकाणी कौटुंबिक न्यायालय, जिल्हा माहिती कार्यालय, राज्य गुप्तवार्ता विभाग, जिल्हा कृषी कार्यालय, महिला व बालविकास अधिकारी कार्यालय, प्रदूषण नियंत्रण विभाग, सेवायोजन कार्यालय व इतर काही शासकीय विभागांची कार्यालये असल्याने दररोज मोठ्या प्रमाणात नागरिकांची ये-जा सुरू असते. मात्र, मागील काही महिन्यांपासून लिफ्ट बंद असल्याने नागरिकांची गैरसोय होत आहे.
तसेच प्रशासकीय इमारत पाच मजली असल्यामुळे ज्येष्ठ नागरिकांना कार्यालयांमध्ये वरच्या मजल्यावर जाताना नाहक मनस्ताप सहन करावा लागत आहे. याबाबत संबंधित विभागाने नागरिकांची गैरसोय टाळण्यासाठी लवकरात-लवकर लिफ्ट सुरू करण्याची आवश्यकता आहे. "प्रशासकीय इमारतीत काही ठिकाणी अस्वच्छतेचे साम्राज्य निर्माण झाले आहे. तसेच इमारतीत विविध कार्यालयांमध्ये सतत यावे लागते. मात्र, लिफ्ट बंद असल्याने जिन्यावरून चालताना त्रास होतो. त्यामुळे संबंधित विभागाने लवकरात-लवकर लिफ्ट सुरू करावी,'' अशी मागणी ज्येष्ठ नागरिक राजाराम चव्हाण यांनी केली.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.