पुसेगाव : कालबाह्य शिक्‍क्‍यांचा गैरवापर करून खातगुण ग्रामपंचायतीच्या महसुलामध्ये अपहार झाला आहे किंवा नाही याची चौकशी करण्याचे, तसेच ग्रामनिधीचा अपहार झाल्यास शासन नियमानुसार संबंधितावर गुन्हा दाखल करण्याची कार्यवाही करण्याचे आदेश जिल्हा परिषद ग्रामपंचायत विभागाकडून खटाव गटविकास अधिकाऱ्यांना देण्यात आले आहेत. ग्रामपंचायतीच्या काही सदस्यांनी अपहाराबाबतची तक्रार दाखल केली होती.
आता भात लावणी करायची तरी कशी?
 
कालबाह्य शिक्‍क्‍यांचा वापर करून खातगुण ग्रामपंचायतीच्या काही कर्मचाऱ्यांकडून संगनमताने ग्रामनिधीचा अपहार होत आहे. याबाबत ग्रामपंचायत सदस्य गजानन लावंड, आनंदराव लावंड, विजय मुळे, मीनाक्षी गुजर, रेश्‍मा भोसले यांनी तक्रार दाखल केली होती. ग्रामविकासमंत्री, जिल्हाधिकारी, मुख्य कार्यकारी अधिकारी आणि पुसेगाव पोलिस ठाण्यातही तक्रारीच्या प्रती पाठविण्यात आल्या होत्या.
 
वापरलेले पावती पुस्तक, घेतलेला कोरोना दंड रक्कम, नळजोड अनामत रक्कम ग्रामपंचायतीच्या खात्यावर जमा केली नसल्याचे ग्रामसेवकांनी लेखी दिल्याने या प्रकरणाबाबत गूढ वाढले आहे. जिल्हा परिषद ग्रामपंचायत विभागाकडून चौकशी करण्याचे आदेश देण्यात आल्याने खातगुणमध्ये खळबळ उडाली आहे. 

संपादन - संजय शिंदे

काय सांगता! नाही नाही म्हणता...48 कोटी जमा झाले

BIG NEWS : अरे बाप रे..! २६ मे पासून या जिल्ह्याचे पालकमंत्रीच झाले गायब..!