भिलार (जि. सातारा) : महाबळेश्वर तालुक्‍यातील विद्यार्थ्यांनी शिक्षण क्षेत्रात उंच भरारी घेतली असून, यावर्षी तब्बल 17 विद्यार्थ्यांनी पाचवीची शिष्यवृत्ती प्राप्त केली आहे. तायघाट शाळेच्या आर्या पार्टे हिने शिष्यवृत्ती परीक्षेत राज्यस्तरीय सर्वसाधारण गुणवत्ता यादीत ग्रामीण विभागात पाचव्या स्थानी व राष्ट्रीय ग्रामीण शिष्यवृत्तीत तिसऱ्या स्थानी आणि जिल्हा गुणवत्ता यादीत प्रथम स्थानाचे यश संपादन केले आहे. 

तालुक्‍यातील आर्या अशोक पारठे, अभिषेक आप्पासाहेब लाडे, प्राची विठ्ठल पार्टे, नेहा विजय राजपुरे, पायल किरण पार्टे, स्नेहा विनोद पार्टे, श्रद्धा राजेंद्र राजपुरे, प्रतीक्षा दत्तात्रय मालुसरे, आर्यन शशांक भागवत, सेजल शिवाजी तुपे, संस्कार दीपक माने, अनुज शशिकांत उत्तेकर, तनिष्का दत्तात्रय भिलारे, तेजस संजय संकपाळ, समीक्षा कृष्णा शेलार, मयूरी महेंद्र भगत, निशांत महेश चोरगे या विद्यार्थ्यांनी शिष्यवृत्ती प्राप्त केली असून, तालुक्‍याचे गटशिक्षणाधिकारी आनंद पळसे यांनी शिष्यवृत्तीचा महाबळेश्वर पॅटर्न निर्माण करण्यासाठी कंबर कसली होती. त्यांच्या नियोजनानुसार सर्व शिक्षकांनी यासाठी मेहनत घेतली होती आणि त्यामुळेच हे घवघवीत यश मिळाले असल्याचे शिक्षक वर्गातून बोलले जात आहे. 

कऱ्हाड जनता बॅंक दिवाळखोरीत; रिझर्व्ह बॅंकेकडून परवाना रद्द

या यशाबद्दल यशस्वी विद्यार्थी व त्यांच्या मार्गदर्शक शिक्षकांचे आमदार मकरंद पाटील, ज्येष्ठ नेते बाळासाहेब भिलारे, जिल्हा बॅंकेचे संचालक राजेंद्र राजपुरे, पंचायत समितीच्या सभापती अंजना कदम, उपसभापती संजय गायकवाड, गटविकास अधिकारी नारायण घोलप, सांगळे, गटशिक्षणाधिकारी आनंद पळसे, प्रवीण भिलारे, जिल्हा परिषद सदस्या मनीषा जंगम, नीता आखाडे, प्राथमिक शिक्षक सहकारी बॅंकेचे संचालक चंद्रकांत आखाडे, शिक्षक संघाचे तालुकाध्यक्ष सुरेंद्र भिलारे, शिक्षक समितीचे तालुकाध्यक्ष भाऊसाहेब दानवले, तालुक्‍यातील शिक्षणप्रेमी, सर्व केंद्रप्रमुख, विस्तार अधिकारी, सर्व शाळांचे मुख्याध्यापक व शिक्षकांनी अभिनंदन केले आहे.  

संपादन : बाळकृष्ण मधाळे