रेठरे बुद्रुक (जि. सातारा) : कृष्णा कालव्याचे ओगलेवाडी येथील विभागीय कार्यालय सांगलीला हलविण्याचा घाट वरिष्ठ पातळीवरून घातला जात आहे. मुळातच कालव्याचे उगमस्थान कऱ्हाड तालुक्‍यात आहे. शाखा, उपविभागीय व विभागीय कार्यालये याच तालुक्‍यात राहणे संयुक्तिक आहे. मात्र, काही अज्ञात शक्ती हे कार्यालय सांगलीला हलविण्यासाठी आटोकाट प्रयत्न करत आहेत. हा डावपेच लाभधारक शेतकऱ्यांच्या तोट्याचा होत असल्याने तेही आक्रमकतेच्या पवित्र्यात आहेत. 

खोडशी येथे कृष्णा नदीवर बंधारा बांधून तेथून कृष्णा कालवा तयार करण्यात आला आहे. कऱ्हाड, वाळवा, पलूस व तासगाव तालुक्‍यांतील हजारो हेक्‍टर शेतीसाठी हा कालवा वरदायी ठरला आहे. कालव्याचे प्रशासकीय कामकाज कऱ्हाड तालुक्‍यातील दोन व वाळवा, पलूस तसेच तासगाव तालुक्‍यात प्रत्येकी एक अशा तीन कार्यालयांतून चालते व सांगलीला विभागीय कार्यालय आहे. यापैकी कऱ्हाड येथे उपविभाग कार्यालय आहे. शेणोली येथील शाखा कार्यालय व कऱ्हाड कार्यालयातून कामकाजाचा गाडा सुरळीतपणे चालवला जातो. परंतु, काही महत्त्वपूर्ण कामकाज सांगलीतील कार्यालयात होत असल्याने अधिकारी व शेतकऱ्यांना इतक्‍या दूर पायपीट करावी लागते.

साता-यात पहिले पाढे पंचावन्न; उदयनराजेंची डाेकेदुखी वाढणार?

ही समस्या दूर करण्यासाठी माजी मुख्यमंत्री आमदार पृथ्वीराज चव्हाण यांनी 2014 मध्ये ओगलेवाडी येथे विभागीय कार्यालयाची निर्मिती केली. कऱ्हाडला तिन्हीही कार्यालये असल्याने अधिकारी व शेतकऱ्यांचा नाहक त्रास कमी झाला. मात्र, सध्या हे कार्यालय सांगलीला हलविण्याचा घाट वरिष्ठ पातळीवरून घातला आहे. काही अज्ञात शक्ती याकामी कार्यरत आहेत. परंतु, हा डावपेच लाभधारक शेतकऱ्यांच्या तोट्याचा ठरत असल्यामुळे ते आक्रमक पवित्र्यात आहेत. याबाबत तालुक्‍यातील काही शेतकऱ्यांनी खासदार श्रीनिवास पाटील यांच्याकडे धाव घेतली आहे. मुळातच कृष्णा कालव्याचे उगमस्थान असणाऱ्या तालुक्‍यात विभागीय कार्यालय असणे यात गैर काय? असा सवाल शेतकरी विचारत आहेत. कार्यालय सांगलीला हलवत असल्यास आम्ही तीव्र आंदोलन छेडू, असा इशाराही त्यांनी दिला आहे. 

""शेतकऱ्यांच्या सुविधेस अन्यत्र हलविणे चुकीची बाब आहे. कृष्णा कालवा विभागाचे ओगलेवाडी कार्यालय हलवले जात असल्यास आम्ही तीव्र आंदोलन छेडू. याबाबत लोकप्रतिनिधींना भेटून त्यांचे लक्ष वेधणार आहे.'' 

-दीपक पाटील, शेरे, राज्य संघटक, बळीराजा शेतकरी संघटना 

तुमची त्वचा जळजळतीय?; हे उपाय करुन पहा, निश्चित आराम मिळेल!

Dio, Perfume वापरण्यापूर्वी ते आरोग्यासाठी किती घातक आहे, हे जाणून घ्या एका क्लिकवर..

घराच्या बाहेर न पडता ही 5 योगासनं करा; साथीचे रोग होतील कायमचे दूर

शिक्षणमंत्र्यांचं सर्व काही ऐकलं! आम्हांला काहीच नाही मिळालं; शैक्षणिक संस्थांची नाराजी 

Edited By : Siddharth Latkar