कराड : काँग्रेसचे जेष्ठ नेते, माजी सहकार मंत्री विलासराव (काका) पाटील उंडाळकर याचं आज (सोमवारी) पहाटे उपचार सुरू असताना सातारा येथे निधन झाले. त्यांच्या निधनाची बातमी समजताच सातारा शहरासह जिल्ह्यातील राजकीय क्षेत्रातील मान्यवरांसह कार्यकर्ते त्यांच्या निवासस्थानी पाेचले.

गेले काही दिवस माजी मंत्री पाटील यांच्यावर सातारा येथे एका खासगी रुगणालयात उपचार सुरू होते. उपचारादरम्यान त्यांचे आज (सोमवारी) पहाटे निधन झाले. त्यांच्यावर त्यांच्या मूळगावी उंडाळे येथे दुपारी तीन वाजता अंत्यसंस्कार करण्यात येणार आहेत.

काकांनी उदयनराजेंना राजकारणातील हिरो बनविले

सकाळी साडे दहा अकराच्या सुमारास त्यांचे पार्थिव साताऱ्याहुन कराडला आणण्यात येईल. कराडच्या बाजार समितीत दुपारी साडेबारा पर्यंत अंत्यदर्शनासाठी पार्थिव ठेवण्यात येईल. त्यांनंतर पार्थिव त्यांच्या मूळगावी उंडाळे येथे नेण्यात येईल. तेथे दुपारी दाेन ते तीन या वेळेत अंत्यदर्शनासाठी ठेवण्यात येईल. त्यानंतर तीन वाजता तेथे अंत्यसंस्कार करण्यात येतील अशी माहिती त्यांच्या नातेवाईकांनी दिली. दरम्यान माजी मंत्री विलासराव पाटील - उंडाळकर यांच्या निधनाने अनेकांना शाेक अनावर झाला आहे.
पृथ्वीराज चव्हाण-विलासराव पाटील उंडाळकरांचे मनोमिलन यशस्वी; अपक्षांचे आव्हान 

फास्टॅगच्या बंधनावर तासवडे, आनेवाडीत उसळणार विराेधाची लाट? 

संपादन - सिद्धार्थ लाटकर