खंडाळा (जि. सातारा) : निवडणूक म्हटलं की भाऊबंदकी, इर्ष्या, खुन्नस या सगळ्या गोष्टी आल्याच, या सगळ्यातून मार्ग काढत उमेदवाराला निवडणूक जिंकावी लागते. निवडणूक काळात शत्रूलासुध्दा मित्र बनवावे लागेत, तेव्हाच उमेदवारा विजयी हासिल करण्यास सोपे होते. मात्र, इतकं सगळं करुनही पराभव झाला, तर उमेदवाराला निराशा पत्करावी लागेत. यातही उमेदवारांना समसमान मतं मिळाली की, विजयी उमेदवार घोषित करण्यात अडचण निर्माण होते. असाच काहीसा प्रकार सातारा जिल्ह्यात ग्रामपंचायत निवडणुकीच्या मतमोजणी प्रसंगी पहायला मिळाला.   

कोपर्डे येथे भानुदास ठोंबरे व अभिजीत शिंदे यांना समसमान 315 मते पडल्याने चिठ्ठी काढण्यात आली. यात भानुदास ठोंबरे विजयी झाले, शिंदेवाडीत वैशाली हिंमत सोनावणे व अनिता रामदास जाधव यांना समसमान 197 मते पडली. यात चिठ्ठी काढल्यावर अनिता जाधव यांना विजयी घोषित करण्यात आले. तसेच वडगावात रुपाली खामकर व दिपाली पवार यांना 71 अशी समसमान मते पडल्यानंतर चिठ्ठीव्दारे दिपाली पवार लकी ठरल्या. त्यामुळे मतदारांनी या सर्व उमेदवारांना दिलेला कौल चिठ्ठीव्दारे अजमावल्याने पराभव उमेदवारांची पुरती निराशा झाली आहे.

कोपर्डे हवेलीत राष्ट्रवादी काठावर पास; अवघ्या एक मताने हुकली कॉंग्रेसची संधी

आज ग्रामपंचायतीच्या धक्कादायक निकालाने दिग्गजांचे भवितव्य संपुष्टात आणले आहे, तसेच अनेकांची प्रतिष्ठा या निवडणुकीत पणाला लागली होती. मात्र, यात काहींचा विजय झाला, तर काहींना पराभवाला सामोरे जावे लागले, तर समसमान मतांची विभागणी झाल्यामुळे काहींचा निकाल चिठ्ठीव्दारे घेण्यात आला, तसेच अनेक पंचायतीत अवघ्या एका मताने पराभव झाल्याचेही चित्र आहे.

Gram Panchayat Results : राष्ट्रवादी-भाजप आघाडीने सेनेला केले चारीमुंड्या चित!  

संपादन : बाळकृष्ण मधाळे