भिलार (जि. सातारा) : रुईघर (ता. जावळी) ग्रामपंचायतीच्या उपसरपंच सुनंदा अशोक बेलोशे यांच्याविरुद्ध अखेर अविश्‍वास ठराव मंजूर करण्यात आला. उपसरपंचांच्या विरोधात राजेंद्र पाटणे, लक्ष्मी बेलोशे, सचिन कांबळे या सदस्यांनी अविश्वास ठराव दाखल केला होता.

या अविश्वास ठरावावर चर्चा करण्यासाठी तहसीलदार राजेंद्र पोळ यांनी मंगळवारी विशेष सभा बोलावली होती. चर्चेअंती तिन्ही सदस्य ठाम राहिले. त्यानंतर रुईघर येथील जननीमाता मंदिरात विशेष ग्रामसभा झाली. अध्यक्षस्थानी तहसीलदार राजेंद्र पोळ होते. 

बेफिकीर पर्यटकांना पाचगणी पालिकेचा दणका; दोन लाखांचा दंड वसूल

ही सभा सुरू झाल्यानंतर मतदान घेण्यात आले. त्यावेळी 347 मतदारांनी आपला हक्क बजावला. त्यापैकी ठरावाच्या विरुद्ध 130 मते, तर ठरावाच्या बाजूने 191 मते पडली. 26 मते बाद झाली. त्यामुळे 61 मतांनी उपसरपंचांवरील अविश्वास ठराव विशेष ग्रामसभेने मंजूर केला.

'गाव करील ते राव काय करील', म्हण सार्थ ठरविण्याची हीच ती वेळ : उदयनराजे

Edited By : Siddharth Latkar