मायणी : वादळी वारा व पावसामुळे येथील बाजार पटांगण शेजारी खाजगी मालकाच्या बंद घराची भिंत कोसळून पाच-चार जण जखमी झाले आहेत. सर्व जखमींना उपचारासाठी येथील प्राथमिक आरोग्य केंद्रात दाखल करण्यात आले आहे. दरम्यान वादळी वाऱ्याने मायणी विटा मार्गावरील माने वस्तीलगत बाभळीचे मोठे झाड रस्त्यावर उन्मळून पडले आहे. त्यामुळे सुमारे एक तासापासून दोन्ही बाजूकडील संपूर्ण वाहतूक बंद झाली आहे. परिणामी एक किलोमीटर पर्यंत वाहनांच्या रांगा लागल्या आहेत. तसेच, मायणी बसस्थानक परिसरातील एक मोठा वृक्ष वादळी वाऱ्यामुळे उन्मळून पडला असून त्याखाली अनेक दुचाकी सापडल्याचा अंदाज व्यक्त होत आहे.

मायणी तालुका खटाव येथे आज झालेल्या वादळी पावसामुळे बाजार पटांगणावर भिंत कोसळून सहा जण गंभीर जखमी झाले तर परिसरात वृक्ष उन्मळून पडल्याने दुचाकी वाहने पानटपऱ्या त्यांचे मोठे नुकसान झाले. दरम्यान या घटनेत जखमी झालेल्यांना कराड सातारा येथे उपचारासाठी दाखल केले आहे

जखमी झालेल्यांची नावे

सुजाता पिलाजी दगडे राहणार मायनी , कल्पना सोमनाथ लुकडे, रा. मायणी, संगिता संजय मोरे, रा. निमसोड, इंदुबाई तानाजी निकम राहणार गुंडेवाडी, आशाताई भगवान भोसले राहणार- वरकुटे म्हसवड, भगवान पांडुरंग भोसले रा. वरकुटे म्हसवड