दौलतनगर : बदलापूर घटना घडल्यानंतर विरोधक नराधमाला फाशी द्या असे म्हणत होते. ज्यावेळी पोलिसांवर त्या नाराधमाने गोळी झाडली. त्यावेळी पोलिसांनी त्या त्याच्यावर गोळीबार केला. त्यामुळे विरोधक त्याला का मारले म्हणून बेंबीच्या देठापासून ओरडू लागले. अशा दुटप्पी लोकाचा जनता येणाऱ्या निवडणुकीत मत पेटी द्वारे एक्काऊंटर करेल, असा सणसणीत टोला मुख्यमंत्री एकनाथ शिंदे यांनी विरोधकांना लगावला.

पालकमंत्री शंभूराज देसाई यांच्या विशेष प्रयत्नातून पाटण (जि सातारा )विधानसभा मतदारसंघामध्ये काळोली येथील लोकनेते बाळासाहेब देसाई बहुउद्देशीय कृषी संकूल, पाटण नगरपंचायत नवीन नळपाणी पुरवठा योजनेच्या कामाचे भूमिपूजन, नवारस्ता-नाडे येथील छत्रपती शिवाजी महाराज यांचे अश्वारुढ पुतळयाचे लोकार्पण,

मल्हारपेठ येथील लोकनेते बाळासाहेब देसाई ग्रामसचिवालयाचे लोकार्पण, वाटोळे येथील लोकनेते बाळासाहेब देसाई राज्य उत्पादन शुल्क विभागाचे प्रशिक्षण केंद्राचे ई भूमिपूजन, मोरणा गुरेघर येथील बंदिस्त पाईप लाईन आणि नाटोशी उपसा सिंचन योजनेच्या कामांचे ई भूमिपूजन,

तारळी प्रकल्पामधील 50 मीटर व 100 मीटर उंचीवरील उपसा सिंचन योजनेच्या कामांचे लोकार्पन अशा 289 कोटी रुपयांचे कामांचे भूमिपूजन व लोकार्पण मुख्यमंत्री शिंदे यांच्या हस्ते झाले. त्यानंतर ते बोलत होते. लोकनेते बाळासाहेब देसाई सहकारी साखर कारखान्याचे अध्यक्ष यशराज देसाई, मोरणा शिक्षण प्रसारक मंडळाचे अध्यक्ष रविराज देसाई,आदी उपस्थित होते.

मुख्यमंत्री शिंदे म्हणाले, आम्ही उठाव केला त्यावेळी शंभूराजे देसाई माझ्याबरोबर खांद्याला खांदा लावून होते. मी मुख्यमंत्री झाल्यावर सहा महिन्यात राज्य पहिल्या क्रमांकवर नेले. शिंधुदुर्ग येथे येणाऱ्या शिव जयंती पूर्वी पुतळा उभा करणार आहे ,

बदलापूर घटनेतील नराधमांला विरोधक फाशी द्या म्हणत होते. ज्यावेळी पोलिसांवर नाराधमाने बंदूक चालवली त्यावेळी पोलिसांनी त्याच्यावर गोळीबार केला. त्यामुळे विरोधक त्याला का मारले म्हणून बेंबीच्या देठापासून ओरडू लागलेआहेत ल. अशा दुटप्पी लोकाचा जनता येणाऱ्या निवडणुकीत मत पेटी द्वारे एक्काऊंटर करेल.