सातारा : वर्षभरावर येऊन ठेपलेल्या पालिकेच्या निवडणुका नजरेसमोर ठेवत खासदार उदयनराजे भोसले यांनी सातारा विकास आघाडीच्या माध्यमातून विकासकामांचा धडाका उडवून देण्याचा निर्णय घेतला आहे. यानुसार ता. 21 आणि 23 या दिवशी शहरातील दोन डझनहून अधिक विकासकामांना सुरुवात होणार आहे.
 
विधानसभेची सार्वत्रिक निवडणूक, लोकसभेची पोटनिवडणूक, त्यानंतर संपलेली आचारसंहिता, कोरोना महामारीचे संकट यामुळे साताऱ्यातील सर्वच विकासकामांना खीळ बसली होती. विकासकामे खोळंबली असतानाच सातारा पालिकेची हद्दवाढ झाली आणि नवीन राजकीय समीकरणांना वेग आला.

माणुसकीचे भान ठेऊन पंचनामे करा : कृषी राज्यमंत्री विश्वजित कदम

या राजकीय समीकरणांचा आढावा घेत खासदार उदयनराजे यांनी साविआच्या 22 नगरसेवकांकडून प्रलंबित विकासकामांची माहिती घेतली. माहिती घेतल्यानंतर उदयनराजेंनी त्याबाबतचा अहवाल तयार करण्याच्या सूचना नगराध्यक्षा माधवी कदम, उपाध्यक्ष किशोर शिंदे यांना दिल्या. त्यांनी सोमवारी विविध विभागांची बैठक घेत विकासकामांचा आढावा घेतला. यानुसार ता. 21, 23 ऑक्‍टोबर रोजी खासदार उदयनराजेंच्या हस्ते विविध विकासकामांचा प्रारंभ करण्याचे नियोजन साविआच्या वतीने करण्यात आले आहे. 

कास : फुले नव्हे, वन्यप्राण्यांना पाहून सातारकरांना हाेताेय आनंद

Edited By : Siddharth Latkar