कऱ्हाड : नवीन वर्षात पालिकेच्या अधिकारी कर्मचाऱ्यांनी वेळेवर येण्याची सवय लावणाऱ्या पालिकेने सलग चौथ्या दिवशीही उशिरा येणाऱ्यांचे हारतुऱ्यांनी स्वागत केले हाेते. यामध्ये 56 जण उशिरा आल्याची नोंद घेतली गेली. दरम्यान मुख्याधिकारी रमाकांत डाकेंच्या गांधीगिरीमुळे आज (गुरुवार) पालिकेत एकही अधिकारी, कर्मचारी कामावर उशिरा आला नाही. 

पालिकेतील अधिकारी कर्मचारी वेळेवर येत नससल्याने त्यांना वेळेत येण्याची सवय लावण्यासाठी मुख्याधिकारी रमाकांत डाके यांनी नवीन वर्षाच्या पहिल्याच दिवशी पालिकेत अधिकारी, कर्मचाऱ्यांचे स्वागत बॅंजोच्या गजरात व हारतुऱ्यांसह स्वागत करण्याचा निर्णय घेतला. त्यानुसार पहिल्या दिवशी तब्बल 54 जण उशिरा आले. त्यांचे स्वागत वाजत गाजत व हारतुऱ्यांनी झाले. त्यानंतर सलग देन दिवस सुटी आली. सुटीनंतर कालपासून पालिका पुन्हा सुरू झाली. सलग दोन दिवस त्याच पद्धतीने स्वागत सुरूच करण्यात आले. 

उद्धव ठाकरेंना शेतीतलं काय कळतं ? नारायण राणे यांचा गंभीर आरोप

दोन दिवसांत 56 पुष्प देऊन स्वागत केले. त्यामुळे खजील झालेल्या संबंधितांनी उद्यापासून वेळ पाळण्याचेही ठरविले. मात्र, त्या पूर्वीच पालिकेने त्यांची उशिरा येण्याची कारणे पालिकेत टिपून घेण्यात आली. आजपासून (गुरुवार) उशिरा येणाऱ्यांची कारणे विचारली जाणार हाेती. ती कितपत खरी आहेत, ते समजावून घेतले जाणार हाेते. ते पटले तर ठिक अन्यथा त्यांना लेट शेरा मारला जाईल. सलग तीन दिवस उशिरा येणाऱ्यांवर थेट कारवाई करु असा इशारा देण्यात आाल हाेता. त्याची धास्ती घेऊन आज (गुरुवार) पालिकेत सर्व अधिकारी, कर्मचारी वेळेवर आल्याचे सांगण्यात आले.

साताऱ्याच्या बहादराची उद्योगात मुकेश अंबानींशी स्पर्धा; ‘दुकान’अ‍ॅप पुढे जिओ मार्ट हतबल 

Edited By : Siddharth Latkar