कऱ्हाड : पती- पत्नीने पोलिसांवर हल्ला केल्याची घटना नुकतीच येथे घडली. येथील कोल्हापूर नाक्यावरील उड्डाण पुलाखाली कर्तव्य बजावणाऱ्या पोलिसांवर हल्ला झाला. पोलिसांनी सांगितले, की कोल्हापूर नाक्यावरील उड्डाणपुलाखाली काही कुटुंब राहतात. त्यांचा रस्त्यावरून ये- जा करणाऱ्यांना त्रास आहे.
ते पती- पत्नी हातात कुऱ्हाड व दगड घेऊन लोकांच्या अंगावर धावून जात होते. अर्वाच्च भाषेत शिवीगाळ करत होते. त्या वेळी तेथे कर्तव्य बजावणाऱ्या वाहतूक पोलिसांनी त्यांना थांबवण्याचा प्रयत्न केला. मात्र, त्यांनी त्यांनाही न जुमानता कर्मचाऱ्यांच्या अंगावर गेले. ती घटना समजताच वरिष्ठ पोलिस निरीक्षक बी. आर. पाटील व त्यांचे कर्मचारी तेथे गेले. त्यांनीही दांपत्याला रोखण्याचा प्रयत्न केला. मात्र, त्यांचा प्रवाशांना त्रास सुरूच होता. त्या वेळी त्यांना समज दिली, तरीही न जुमानता दांपत्यासह फिरस्त्यांनी पोलिसांवरच हल्ला केला. कर्मचाऱ्याच्या प्रसंगावधानामुळे तो बचावला.
कशात अडकली पोलिसांची रेनकोट खरेदी
दहावीचा निकाल उद्या दुपारी एक वाजता होणार जाहीर
अखेर पोलिसांनी बळाचा वापर करून त्या दांपत्याला ताब्यात घेऊन अटक केली. चंदू ऊर्फ विक्रम गोपाळ राठोड (वय 35) व जानकी चंदू ऊर्फ विक्रम राठोड (दोघेही मूळ रा. इमर्सन कंपनीजवळ, अतीत) यांना अटक केली आहे. शासकीय कामात अडथळा, पोलिसावर हल्ला आणि ठार मारण्याचा प्रयत्न केल्याप्रकरणी त्यांच्यावर गुन्हा नोंद केला आहे.
Edited By : Siddharth Latkar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.