कराड - कराड (जि सातारा )तालुक्यातील बारा ग्रामपंचायतींच्या निवडणुकीमध्ये कराड उत्तर मध्ये राष्ट्रवादी काँग्रेसने जोरदार मुसंडी मारली. बारापैकी आठ ग्रामपंचायतींवर राष्ट्रवादीने विजय मिळवला. कराड दक्षिण मधील तीन ग्रामपंचायत काँग्रेसने यश मिळवले. भाजपला केवळ एक ग्रामपंचायतीत विजय मिळाला आहे.

कराड तालुक्यातील बारा ग्रामपंचायतींची मतमोजणी सोमवारी सकाळी प्रशासकीय इमारतीत सुरू झाली. यावेळी कराड उत्तर मधील सर्वच ग्रामपंचायतींवर आमदार बाळासाहेब पाटील समर्थक राष्ट्रवादीने निर्विवाद वर्चस्व मिळवले.

तर कराड दक्षिणेतील चार ग्रामपंचायतींपैकी तीन ग्रामपंचायतींवर माजी मुख्यमंत्री आमदार पृथ्वीराज चव्हाण व काँग्रेसचे युवा नेते उदयसिंह पाटील यांनी आपली सत्ता कायम ठेवली आहे तर भाजपाचे नेते डॉक्टर अतुल भोसले यांनी रेठरेबुद्रुक येथील भाजपाचे सत्ता कायम ठेवत सर्वच अठरा जागांवर विजयी मिळवला आहे.