कऱ्हाड : कऱ्हाडमधील प्रवाशांना पुणे (Pune) येथे जाण्यासाठी कोल्हापुर (Kolhapur), सांगली (Sangali), कोकणासह (Kokan) कर्नाटकातुन आलेल्या एसटी बसने जावे लागते. त्या एसटी बस नाष्टा, जेवणासाठी सातार-पुणे दरम्यान थांबतात. त्यामुळे कऱ्हाडमध्ये (Karhad) बसलेल्या प्रवाशांची नाहक वेळ वाया जातो. नेमकी हीच बाब विचारात घेवुन कऱ्हाडवरुन पुण्याला जाणाऱ्या प्रवाशांचा वेळ वाचावा यासाठी कऱ्हाड-पुणे ही विनाथांबा बससेवा सोमवारपासुन सुरु करण्यात येणार आहे.

प्रवाशांच्या सेवेसाठी हे ब्रिदवाक्य असलेल्या एसटीच्या सेवेची कोरोनामुळे घडी विस्कटली आहे. लॉकडाऊन शिथील होईल तशी ही विस्टकलेली घडी पुर्वपदावर आणण्यासाठी एसटीने अनेक उपाययोजना हाती घेतल्या आहेत. त्याअंतर्गत आता नवीन एसटीच्या सेवा सुरु करण्यास प्रारंभ केला आहे. त्याअंतर्गत कऱ्हाड आगार प्रमुख विजयराव मोरे यांनी ज्या मार्गावरुन उत्पन्न मिळणार आहे, त्या मार्गांवर तातडीने फेऱ्या सुरु केल्या आहेत. त्याचबरोबर अन्य फेऱ्याही सुर करण्यासाठीही उपलब्ध मनुष्यबळ, एसटीबसची संख्या यांचा विचार करुन प्रयत्न सुरु आहेत. कऱ्हाडमधील प्रवाशांना पुणे येथे जाण्यासाठी कोल्हापुर, सांगली, कोकणासह कर्नाटकातुन आलेल्या एसटी बसने जावे लागते. त्या एसटी बस नाष्टा, जेवणासाठी सातारा-पुणे दरम्यान थांबतात. त्यामुळे कऱ्हाडमध्ये बसलेल्या प्रवाशांची नाहक वेळ वाया जातो. याचा विचार करुन कऱ्हाडवरुन पुण्याला जाणाऱ्या प्रवाशांचा वेळ वाचावा यासाठी कऱ्हाड-पुणे ही बससेवा सोमवारपासुन सुरु करण्यात येणार आहे. त्यामुळे कऱ्हाडच्या प्रवाशांची चांगली सोय होणार आहे.

कऱ्हाड एसटी आगारामार्फत प्रवाशांचा वेळ वाचावा आणि त्यांना कऱ्हाडवरुन थेट पुण्याला एसटीबस मिळावी यासाठी कऱ्हाड-पुणे ही एसटीबसेवा सोमवारपासुन सुरु करत आहोत. त्याचा प्रवाशांना नक्कीच फायदा होईल.

- विजयराव मोरे (एसटी आगार व्यवस्थापक, कऱ्हाड)