कऱ्हाड : सुट्टीवर असतानाही कऱ्हाड शहर पोलिस ठाण्याचे हवालदारानी कर्तव्य बजावत एलईडी टिव्ही चोरणाऱ्या दोघांना गजाआड केले. शहर पोलीस ठाण्याचे हवालदार संजय लादे सुट्टीवर असताना केलेल्या कामाचे कौतुक होत आहे. हवालदार लादे खासगी कामकाजासाठी कोर्ट परिसरात असताना त्यांना दोन युवक संशयीत दिसले.

त्यावेळी त्यांनी शहर पोलीसांना संपर्क साधून बीट मार्शल एक वरील सचिन साळुखे व देसाई यांना बोलावून घेतले. तेथे संशयीतांची तपासणी केली असता त्यांचे ताब्यात दोन एलईडी टिव्ही सापडले. टिव्ही बाबत संशयतांनी उडवा उडवीची उत्तरे दिल्याने ते टिव्ही चोरल्याचा संशय बळावल्याने त्यांना पोलीस ठाण्यात आणले. तेथे त्यांनी त्यांची अविनाश राजु चव्हाण (वय १८, रा. इंदानगर, कडेगांव) जय सतीश भोसल (१९ रा. सवली, ता. कडेगांव) अशी नावे सांगितले. पोलीस निरीक्षक बी.आर पाटील यांच्या मार्गदर्शनाखाली गुन्हे प्रकिटीकरण पथकाने अधिक तपास केला असता संशयीतांनी ते टिव्ही कडेगावच्या जिल्हा परिषद शाळेतून चोरल्याची कबुली दिली आहे. त्याबाबत कडेगांव पोलीसात गुन्हा दाखल आहे.