भिलार (जि. सातारा) : पाचगणीहून पुण्याकडे जाताना चारचाकी गाडी पोलिस ठाण्याच्या समोरील वडाच्या झाडावर आदळल्याने दीड वर्षाचे चिमुकलीचा मृत्यू झाला. अन्य तिघे गंभीर जखमी झाले आहेत. 

पाचगणीतील डॉ. अभय श्रीहरी देशपांडे (वय 56) यांची पुतणी आदिती मयूर कोटस्थाने (वय 35) जावई मयूर त्रिंबक कोटस्थाने (वय 40), मृण्मयी मयूर कोटस्थाने (वय 12) व शरण्या मयूर कोटस्थाने (वय दीड वर्षे) (सर्व रा. अजिंक्‍यतारा हाउसिंग सोसायटी, आंबेगाव बुद्रुक, पुणे) हे सर्व जण मंगळवारी दुपारी एकच्या सुमारास पाचगणीतून पुण्याला जाताना पाचगणी पोलिस ठाण्यासमोर वडाच्या झाडावर कार आदळली. या अपघातात चौघेही गंभीर जखमी झाले. जखमींना उपचारासाठी बेल एअरमध्ये दाखल करण्यात आले. त्यातील शरण्याचा मृत झाला. पाचगणी पोलिस ठाण्याचे सहायक पोलिस निरीक्षक सतीश पवार तपास करीत आहेत. 

दरम्यान दांडेघर येथील हॉटेलमध्ये काल (ता. 8) रात्री जुन्या वादावादीतून तुंबळ मारामारी झाली. पाचगणी पोलिस ठाण्यातून मिळालेल्या माहितीनुसार, दांडेघर येथील झोस्टेल हॉटेलमध्ये रात्री दीड वाजता फिर्यादी प्रतीक अंकुश तावरे (वय 32, रा. नाना पेठ, पुणे) यांची चेतन पाटील यांच्यासह दोन कामगारांशी (सर्व रा. दांडेघर) जुन्या वादातून बाचाबाची झाली.

त्यावेळी तिघांनी टेबल-खुर्ची व बियरच्या बाटलीने तसेच लाथाबुक्‍क्‍यांनी मारहाण केली. त्यात प्रतीक यांच्या डोक्‍यास दुखापत झाली. सहायक पोलिस निरीक्षक सतीश पवार यांच्या मार्गदर्शनाखाली श्री. रसाळ तपास करीत आहेत. 

छत्तीसगडच्या राष्ट्रीय स्पर्धेत माणच्या भावा-बहिणीची सुवर्ण कामगिरी

बामणोलीत आडाच्या पाणवठ्यावर स्वच्छता; सरपंचांच्या अनोख्या मोहिमेची सर्वत्र चर्चा

तारळी धरणाकडे जाणाऱ्या पर्यटकांचा प्रवास होणार सुखकर; गृहराज्यमंत्र्यांच्या पुढाकाराने विकासकामांना गती

डोंगरात धावत जावून बच्चे कंपनीने रोखला वनहद्दीत घुसणारा वणवा; बोर्गेवाडीतील छोट्यांची मोठी कामगिरी

शेतकऱ्याच्या पोराची उत्तुंग भरारी; सातारच्या अनिकेतची लेफ्टनंटपदी निवड

Edited By : Siddharth Latkar