मोरगिरी (जि. सातारा) : कोरोना साथीचा प्रादुर्भाव वाढण्याची शक्‍यता लक्षात घेता कुसरुंडची (ता. पाटण) मंगळवारी (ता. 15) होणारी ग्रामदैवत श्री मळाईदेवीची यात्रा रद्द करण्याचा निर्णय घेण्यात आला आहे. भाविकांनी, ग्रामस्थांनी यात्रा उत्सव घरीच साजरा करण्याचे आवाहन सरपंच खाशाबा पवार यांनी केले आहे.
 
येथील ग्रामपंचायत कार्यालयात श्री मळाईदेवी व मारुतीदेव देवस्थान ट्रस्ट आणि यात्रा समितीच्या प्रतिनिधींच्या उपस्थितीत यात्रेच्या पार्श्वभूमीवर झालेल्या बैठकीत हा निर्णय घेण्यात आला. कुसरुंड गावात श्री मळाईदेवीची यात्रा देवदीपावली या दिवशी मुख्य दिवस म्हणून साजरी होते. मंगळवारी (ता. 15) यात्रेचा मुख्य दिवस आहे. कोरोना साथीच्या पार्श्वभूमीवर भाविकांची गर्दी होऊन कोरोना वाढण्याची शक्‍यता नाकारता येत नाही. शासनाने यात्रेसंदर्भात कडक निर्बंध घातले आहेत. शासनाकडून यात्रेसंदर्भात परवानगी नसल्याचे स्पष्ट निर्देश आहेत. त्यामुळे श्री मळाईदेवीची यात्रा रद्द करण्याचा निर्णय एकमताने घेण्यात आला आहे. 

म्हसवड : उद्यापासून तीन दिवस जमावबंदी; वाहतूक पर्यायी मार्गाने वळवणार

यात्रा परिसरात कुणीही दुकाने थाटू नयेत, महिलांची धारेखाली बसण्याचा परंपरा यावेळी होणार नाही. यात्रेच्या ठिकाणी येणारांवर कारवाई केली जाईल. यात्रेदिवशीचा धार्मिक विधी प्रथा आणि रुढीनुसार गुरव, सेवेकरी, मानकरी, विश्वस्तांच्या उपस्थितीत करून मंदिर बंद केले जाईल आदी निर्णय झाले.

Edited By : Siddharth Latkar