कऱ्हाड - लोकसभेच्य जागा वाटपासंदर्भात राष्ट्रवादी कॉंग्रेस, शिवसेना आणि भाजप आम्ही तिन्ही पक्षाचे नेते एकत्र बसलो होतो. बहुतेक सिटींग जागा ज्या-त्या पक्षाला सोडायची प्राथमिक चर्चा झालेली आहे. साधारण प्रत्येकाचा मानसन्मान राखला जावुन तोडगा काढण्यात येवुन जागा वाटप होईल, अशी आशा उपमुख्यमंत्री अजिज पवार यांनी आज येथे व्यक्त केली.

जेष्ठ नेते यशवंतराव चव्हाण यांच्या १११ व्या जयंतीनिमीत्त उपमुख्यंत्री पवार आज येथील त्यांच्या समाधीस्थळी राज्य सरकारच्यावतीने अभिवादन करण्यासाठी आले होते. त्यादरम्यान ते माध्यमांशी बोलत होते. राष्ट्रवादी कॉंग्रेसच्या अजित पवार गटाचे प्रदेशाध्यक्ष खासदार सुनिल तटकरे, आमदार दीपक चव्हाण, माजी आमदार आनंदराव पाटील, जिल्हा बॅंकेचे अध्यक्ष नितीन पाटील, अॅड. आनंदराव पाटील, सादीक इनामदार, जितेंद्र डुबल आदी उपस्थित होते.

ते म्हणाले, राजकारणात सुसंस्कृतपणा कसा टिकवायचा, कसा साभाळुन कामकाज करायचे हे यशवंतराव चव्हाण यांनी दाखवले. त्यांनी केंद्रात उपपंतप्रधान, केंद्रात अर्थमंत्री, परराष्ट्रमंत्री, विरोधी पक्षनेते महणुन आणि मुख्यमंत्री म्हणुन दाखवले आहे.

लोकसभेच्या जागा वाटपासंदर्भात आणि साताऱ्याच्या ऱाष्ट्रवादी कॉंग्रेसच्या जागेसंदर्भात बोलताना ते म्हणाले, लोकसभेच्या जागा वाटपासंदर्भात दिल्लीत काल बैठक होणार होती. भाजपचे पार्लमेंटरी बोर्ड जागा वाटपासंदर्भात चर्चेसाठी बसणार होते. त्यामुळे कालची बैठक ही पुढे ढकलली आहे. ती आज किंवा उद्या होवु शकते.

जागा वाटपासदंर्भात राष्ट्रवादी कॉंग्रेस, शिवसेना आणि भाजप आम्ही तिन्ही पक्षाचे नेते एकत्र बसुन प्राथमिक चर्चा केली आहे. त्यात बहुतेक सिटींग जागा ज्या-त्या पक्षाला सोडायची अशी प्राथमिक चर्चा झालेली आहे. साधारण प्रत्येकाचा मानसन्मान राखला जावुन तोडगा काढण्यात येवुन जागा वाटप होईल, अशी आशा उपमुख्यमंत्री अजिज पवार यांनी आज येथे व्यक्त केली.