विसापूर (जि. सातारा) : पुसेगाव (ता. खटाव) ग्रामपंचायत निवडणूक कॉंग्रेस, राष्ट्रवादी आणि शिवसेना या तिन्ही पक्षांनी एकत्र लढण्याचा निर्धार केला आहे. त्याबाबतचा निर्णय देखील जाहीर करण्यात आला आहे. गत पदवीधर निवडणूक एकत्र लढल्यामुळे महाविकास आघाडीला "एकीचे बळ' लक्षात आले आहे. याच पार्श्वभूमीवर ही महाविकास आघाडी झाली असल्याने या ग्रामपंचायत निवडणुकीत निश्‍चित विजय मिळेल, असा विश्वास कॉंग्रेसचे जिल्हाध्यक्ष डॉ. सुरेश जाधव यांनी "महाविकास'च्या कार्यकर्त्यांना दिला. 

पुसेगाव येथे महाविकास आघाडी जाहीर करण्यासाठी आयोजित कार्यकर्त्यांच्या बैठकीमध्ये डॉ. जाधव बोलत होते. याप्रसंगी राष्ट्रवादी कॉंग्रेसचे तालुकाध्यक्ष बाळासाहेब जाधव, शिवसेनेचे उपजिल्हाप्रमुख प्रताप जाधव, मोहनराव जाधव, सुनीलशेठ जाधव, विजयराव जाधव, सुरेशशेठ जाधव, योगेश देशमुख, जगन्नाथ जाधव, विलासआप्पा जाधव, शिवाजीराव जाधव, संतोष तारळकर, संदीप जाधव यांच्यासह महाविकासचे कार्यकर्ते उपस्थित होते. डॉ. जाधव म्हणाले, ""फक्त सत्तेसाठी नव्हे तर पुसेगावचा सर्वांगीण विकास साधण्यासाठी तसेच नागरिकांच्या मूलभूत प्रश्नांना न्याय देण्यासाठी महाविकास आघाडी करण्यात आली आहे. तसेच जागा वाटपासाठी कोणतेही आढेवेढे न घेता तीनही पक्ष एकत्र आल्याने त्यांनी कार्यकर्त्यांचे विशेष अभिनंदन केले.'' 

महाविकास आघाडीत शिवसेनेची फरपट : प्रवीण दरेकर

दरम्यान, या निवडणुकीत महाविकास आघाडीच्या रूपाने कॉंग्रेस, राष्ट्रवादी आणि शिवसेना 17 पैकी 17 जागांवर विजय मिळवून गावातील राजकीय समीकरण बदलेलच आणि त्यासोबतच गावात जलक्रांती, पिण्याच्या पाण्याचा प्रश्न, रस्त्यांचे जाळे यांसह नियोजनबद्ध विविध विकासकामे मार्गी लावून सातारा जिल्ह्यासह राज्यात पुसेगाव हे ग्रामविकासाचे आगळेवेगळे मॉडेल म्हणून नावारूपास येईल, असा आशावाद राष्ट्रवादीचे तालुकाध्यक्ष श्री. जाधव यांनी व्यक्त केला.

अहाे, ऐकलत का! स्वस्तात घर खरेदी झाली शक्य

Edited By : Siddharth Latkar