कवठे (जि. सातारा) : पुणे बंगळूर राष्ट्रीय महामार्गावरील सुरुर (ता. वाई) येथे पुणे सातारा लेनवरील उड्डाणपूलावर गुरुवारी रात्री 12 वाजण्याच्या सुमारास चार चाकीने पाठीमागून मालट्रकला धडक दिली. या भीषण अपघातात दोन युवक  ठार झाले आहेत तसेच दोघे गंभीर जखमी झालेत. 

याबाबत घटनास्थळावरुन मिळालेल्या माहितीनुसार, सुरुर हद्दीतील महामार्गावरील उड्डाणपूलावर गुरुवारी रात्री 12 वाजण्याच्या सुमारास पुणे सातारा लेनवर ट्रक (एमएच 12 पी क्यू 6846) चा उजव्या बाजूचा पुढील टायर फुटलेने मालट्रक रस्त्याच्या उजव्या बाजूस उभा होता. या उभ्या ट्रकला पाठीमागून भरधाव वेगात येणाऱ्या चार चाकी वाहनाने (एमएच 04 जी डी 1205) जोरादार धडक दिली. या अपघातात चार चाकीचा चूराच झाला. 

या वाहनातील अजय राजेंद्र सुतार (चालक, वय 26) आणि केदार दत्तात्रय वेल्लाळ (वय 25) हे दोघे युवक जाग्यावरच ठार झाले. हे दाेन्ही युवक मसूर (ता. कराड) येथे वास्तव्यास असल्याची माहिती पाेलिसांनी दिली. तसेच वाहनातील सुजित रामचंद्र आवटे (वय 42) आणि अशोक कांबळे (वय 35) दोघेही राहणार कराड हे गंभीर जखमी झाले आहेत. 

या अपघाताची माहिती मिळताच जोशी विहीर महामार्ग पोलिस केंद्राचे पोलिस उपनिरीक्षक एस. के. पोवार व त्यांचे कर्मचारी तसेच भुईंज पोलिस केंद्राचे कर्मचारी घटनास्थळी गेले. या अपघातामुळे महामार्गावरुन साताराच्या दिशेने जाणारी वाहतूक काही काळ विस्कळीत झाली हाेती. दरम्यान पोलिसांनी गंभीर जखमींना सातारा येथील खासगी रुग्णालयात पाठविले. दरम्यान ठार झालेल्या युवकांना कवठे येथील प्राथमिक आरोग्य केंद्रात पाठविले.

माझ्या तर बुद्धीच्या बाहेर आहे, त्यांनाच विचारा; उदयनराजेंचा टाेला

आई, तू पंजाबी ड्रेस का घातलास? मुलाची आत्महत्या

त्या प्रकरणी संजय राठोड दाेषी नाहीत; गृहराज्यमंत्र्यांची क्लिन चीट

गोंदवल्यात जाणार आहात? थांबा! महत्वपुर्ण निर्णय वाचा 

दुर्मिळ माऊंटन इंपेरियल पारवा आढळल्याने पक्षीप्रेमींत आनंद

कोयनेत जीव धोक्‍यात घालून काम करणाऱ्या अंगणवाडी कर्मचाऱ्यांचे कार्य कौतुकास्पद 

Edited By : Siddharth Latkar