मेढा (जि. सातारा) : पीक नुकसानबाधित आणि नुकसानास पात्र शेतकरी मदतीपासून वंचित राहता कामा नये, यासाठी तातडीने पंचनामे करा, या कामात हालगर्जीपणा नको, अन्यथा कोणाचीही गय करणार नाही, असा इशारा आमदार शिवेंद्रसिंहराजे भोसले यांनी दिला. 

मोरावळेसह जावळी तालुक्‍यातील विविध गावांतील पिकांच्या नुकसानीची पाहणी त्यांनी केली. त्यावेळी शिवेंद्रसिंहराजे बोलत होते. यावेळी तहसीलदार राजेंद्र पोळ, गटविकास अधिकारी सतीश बुद्धे, तालुका कृषी अधिकारी रमेश देशमुख उपस्थित होते. शिद्रसिंहराजेंनी प्रत्यक्ष शेतात जाऊन पिकांची पाहणी करत शेतकऱ्यांशी संवाद साधला. 

केशरी कार्डधारकांपुढे उदरनिर्वाहाचा प्रश्न; धान्य नसल्याने अनेकांचे हाल

लागेल ते सहकार्य देऊ, अशी हमीही त्यांनी दिली. राजेंद्र पोळ व सतीश बुद्धे यांच्याकडून तालुक्‍यातील नुकसानीचा आढावा घेऊन त्यांना सूचना केल्या. तलाठी, ग्रामसेवक व कृषी सहायक एकत्र पंचनामे करत असल्याचे तहसीलदारांनी सांगितले. नुकसानीचा तपशील बुद्धे यांनी दिला. 

संपादन : बाळकृष्ण मधाळे