सातारा

देव तारी त्याला कोण मारी!; कदम कुटुंबीयांना आला म्हणीचा प्रत्यय

प्रशांत गुजर

सायगाव (जि. सातारा) : "काळ आला होता; पण वेळ आली नव्हती' व "देव तारी त्याला कोण मारी' या म्हणींची प्रत्यय येथील माजी सरपंच अशोक कदम व त्यांच्या कुटुंबीयांना नुकताच धोम कालव्यावरील पूल कोसळला त्याप्रसंगी आला. नुकत्याच कोसळलेल्या धोम उजव्या कालव्यावरील पुलावरून श्री. कदम हे आपला मुलगा अमोल व देवराजसह नात देवश्री यांना घेऊन शेतात गेले होते. शेतातील काम संपवून ते माघारी फिरले. परत येताना मुलगा अमोल हे दुचाकी चालवत होते. चौघे जण पुलाजवळ आले. अमोल यांच्या काहीतरी मनात आले व गाडी थांबवली. त्याचवेळी एका क्षणात पुढे असणारा पूल तब्बल 25 फूट खोल कोसळला.

Congress च्या कोणत्या माजी मंत्री यांनी कोणाला केला फोन आणि पुढे काय घडले वाचा सविस्तर 

त्याबरोबर कालवादेखील फुटला. प्रचंड आवाज होऊन सर्व पाणी ओढ्यात घुसले व पाण्याचा प्रचंड प्रवाह सुरू झाला व पुलाबरोबर असणारा भरावदेखील क्षणात वाहून गेला. यावेळी काही सेकंदाचा अवकाश जर गाडी थांबवली नसती तर या विचाराने दोन्ही पिता- पुत्रांच्या काळजात धस्स झाले.

देवराज व देवश्री या मुलांच्या पुढे घडलेला हा प्रसंग तर त्या मुलांच्या चेहऱ्यावर आजही त्या वेळीची भीती दिसत आहे. केवळ दैव बलवत्तर म्हणून गाडी थांबवली गेली अन्यथा अत्यंत गंभीर परिस्थितीला सामोरे जावे लागले असते. या पुलाखालून पूल पडण्याच्या काही वेळेपूर्वी शेतात मोलमजुरी करणाऱ्या महिलादेखील गेल्या होत्या; परंतु कदम कुटुंबीयांबाबतीत घडलेला प्रसंग पाहता त्यांच्यासाठी "काळ आला होता; पण वेळ आली नव्हती,' असेच म्हणावे लागेल. 


""आमची गाडी थांबली, की काही सेकंदात समोर पूल पडताना पाहिला व काळजाचे पाणी झाले. लहान मुलांनी तर टाहो फोडला. अक्षरशः मरण डोळ्यांनी पाहिले. आजही तो प्रसंग आठवला तर अंगावर शहारे येतात. केवळ नशीब चांगले म्हणून आम्ही वाचलो.'' 

- अशोक कदम, माजी सरपंच, सायगाव 

Edited By : Siddharth Latkar

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Video Viral: विराट कोहली ४ महिन्यानंतर मायदेशात परतला; ऑस्ट्रेलिया दौऱ्यासाठी टीम इंडियासोबतच रवाना होणार

'ट्रेंड्सपेक्षा कंफर्ट महत्त्वाचा!' अभिनेत्री रिया जोशीचा लाँग स्कर्ट, सिल्व्हर ज्वेलरी आणि साडीतील खास स्टाईल फंडा

Diwali Travel Pune: दिवाळीच्या सुट्टीत फिरायला जायचंय? मग पुण्यातल्या 'या' सुंदर ठिकाणी जा आणि परदेशासारखा अनुभव घ्या!

सरन्यायाधीशांसमोर हजर करण्याचा बनाव, डिजिटल अरेस्ट करत नाशिकमध्ये २ वृद्धांची ७ कोटींची फसवणूक

गौतम गंभीरचे Rohit Sharma, विराट कोहली यांच्या भविष्याबाबत मोठं विधान! मोजक्या शब्दात बरंच काही बोलून गेला, चाहत्यांची वाढली चिंता

SCROLL FOR NEXT