कऱ्हाड (जि. सातारा) : रेल्वे कामासाठी केलेल्या जिल्ह्यातील भूसंपादनाबद्दल नागरिकांच्या अनेक तक्रारी आहेत. भूसंपादन रेकॉर्ड अद्ययावत करताना उपलब्ध असलेल्या नकाशांची खात्री राज्याच्या संबंधित महसूल विभागामार्फत करून भूसंपादनाच्या तक्रारींचा निपटारा करावा, अशी सूचना खासदार श्रीनिवास पाटील यांनी रेल्वेच्या अधिकाऱ्यांना केली.
रेल्वेसंदर्भात झालेल्या बैठकीस व्हिडिओ कॉन्फरन्सद्वारे उपस्थिती नोंदवत खासदार पाटील यांनी जिल्ह्यातील काही ठळक मुद्दे मांडून विविध कामांची मागणी केली. अन्य खासदारांसह मुंबई, पुणे व सोलापूर येथील रेल्वेच्या वरिष्ठ अधिकाऱ्यांसमवेत ही बैठक झाली. सातारा व कऱ्हाड रेल्वे स्थानकावर सुशोभीकरण करताना छत्रपती शिवाजी महाराज यांचा इतिहास व ज्येष्ठ नेते यशवंतराव चव्हाण यांचे कार्य देखावे व शिल्पचित्राच्या माध्यमांतून दाखवण्यात यावे.
लोणंद येथे अंडरपास मंजूर करण्यासाठी प्रस्ताव करावा, लोणंद रेल्वे जंक्शनवर हायमास्ट लॅम्प बसवावे, जिल्ह्यातील सर्वच रेल्वे स्टेशनवर सीसीटीव्ही कॅमेरा सुविधा उपलब्ध व्हावी, अशा सूचना करून कोल्हापूर, अहमदाबाद आणि बंगळूर सिटी एक्स्प्रेस या प्रवासी गाड्यांना प्रायोगिक तत्त्वावर सातारा जिल्ह्यातील काही स्टेशनवर थांबा मंजूर करण्याची मागणी खासदार पाटील यांनी या बैठकीत केली.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.