सातारा : भाजपचे खासदार उदयनराजे भोसले यांनी मंगळवारी नूतन पोलिस अधीक्षक अजयकुमार बन्सल यांची भेट घेऊन त्यांचे स्वागत केले. तसेच विविध विषयांवर चर्चा करतानाच लागेल ते सहकार्य करण्याचे आश्‍वासन उदयनराजेंनी श्री. बन्सल यांना दिले. 

ऐतिहासिक सातारा जिल्ह्यात काम करण्याचे भाग्य लाभले याचे मला समाधान आहे. क्रांतिकारी व ऐतिहासिक जिल्ह्यात कायदा व सुव्यवस्था अबाधित ठेवतानाच सुशासन आणि लोकाभिमुख कामकाज करु आणि जनतेच्या अपेक्षा सार्थ ठरवू, असे आश्वासन श्री. बन्सल यांनी उदयनराजे भोसले यांना दिले. यावेळी जिल्ह्यातील विविध विषयांवर दोघांमध्ये अर्धातास चर्चा झाली. जिल्हावासियांच्या वतीने खासदार उदयनराजे भोसले यांनी नूतन पोलिस अधीक्षकांचे पोलिस मुख्यालयात जाऊन पुष्पगुच्छ देऊन स्वागत केले. यावेळी माजी शिक्षण सभापती सुनील काटकर, जितेंद्र खानविलकर उपस्थित होते. 

निवडणुका हेच लक्ष; उदयनराजेंचा विकास रथ धावणार

संपादन : बाळकृष्ण मधाळे