वडूज (जि. सातारा) : कोरोना संसर्गाच्या वाढत्या प्रादुर्भावाच्या पार्श्वभूमीवर सार्वजनिक गणेशोत्सव साजरा न करता घरोघरी गणेशाची प्रतिष्ठापना करण्याचा निर्णय शहरातील सार्वजनिक गणेशोत्सव मंडळांनी घेतला आहे. येथील सौभाग्य मंगल कार्यालयात नगरपंचायत प्रशासन, पोलिस प्रशासन व सार्वजनिक गणेश उत्सव मंडळांच्या पदाधिकारी, कार्यकर्त्यांची बैठक झाली. त्यावेळी सर्वानुमते हा निर्णय घेण्यात आला.
 
या वेळी पोलिस उपअधीक्षक बी. बी. महामुनी, सहायक पोलिस निरीक्षक मालोजीराव देशमुख, मुख्याधिकारी माधव खांडेकर, नगराध्यक्ष सुनील गोडसे, उपनगराध्यक्षा किशोरी पाटील, नगरसेवक अनिल माळी, शहाजीराजे गोडसे, जयवंत पाटील, राजेंद्र कुंभार, दीपक बोडरे, सोमनाथ जाधव व विविध मंडळांचे पदाधिकारी उपस्थित होते.

प्रियजनाच्या दहनाची कुटुंबाला चिंता, जिल्हाधिकारी माणुसकी दाखविणार?

या वेळी अनिल गोडसे यांनी कोरोनाचा वाढता संसर्ग लक्षात घेऊन शहरातील मंडळांच्या वतीने सार्वजनिक गणेशोत्सव साजरा न करता यावर्षी साध्या पद्धतीने घरगुती गणेशोत्सव साजरा करावा, असे मत मांडले. त्यास प्रा. नागनाथ स्वामी, नगरसेवक माळी, आप्पासाहेब गोडसे, बनाजी पाटोळे तसेच मंडळांच्या पदाधिकाऱ्यांनी सहमती दर्शवली. कोरोनाचा प्रभाव लक्षात घेत प्रशासनाकडून एक गाव, एक गणपती प्रतिष्ठापना करण्याचे आवाहन केले जात आहे.

नववधू दोन लाखांसह पळाली, पुण्यासह साेलापूर जिल्ह्यातील आठ जणांना अटक

मात्र, शहरातील सार्वजनिक गणेशोत्सव मंडळांनी शहरात सार्वजनिक स्वरूपात गणेशोत्सव साजरा न करता घरगुती स्वरूपात गणेशोत्सव साजरा करण्याचा घेतलेला निर्णय स्तुत्य असल्याचे श्री. महामुनी यांनी सांगितले. मुख्याधिकारी खांडेकर आदींनी मनोगत व्यक्त केले. प्रसाद जगदाळे यांनी सूत्रसंचालन केले.

संपादन - संजय शिंदे