नागठाणे : पुणे- बंगळूर महामार्गावर वळसे (ता. सातारा) येथे आज (शुक्रवार) सकाळी भरधाव वेगाने जाणाऱ्या स्विफ्ट मोटारीने पुढे चाललेल्या तीन दुचाकींना जोरदार धडक दिली. या अपघातात एकाचा मृत्यू झाला, तर दोघे गंभीर जखमी झाले.
घटनास्थळाहून मिळालेल्या माहितीनुसार, आज (शुक्रवार) सकाळी साडे नऊ वाजण्याच्या सुमारास सातारा बाजूकडे जाणाऱ्या मार्गिकेवर हा अपघात झाला. त्यात भरधाव वेगाने निघालेल्या मोटारीने (क्रमांक एमएच 11 डब्लू 302) पुढे चाललेल्या तीन दुचाकींना धडक दिली. ही धडक इतकी जोरात होती, की त्यातील एक दुचाकीस्वार
महामार्गावरील पूलावरुन थेट सुमारे 25 फूट खाली सेवा रस्त्यावर कोसळला. अपघातात अन्य दुचाकीवरील प्रवासीही गंभीर जखमी झाले. अपघातानंतर माेटार चालकाने वाहन जागेवर सोडून पलायन केले. या अपघातात तिन्ही दुचाकींचा अक्षरशः चुराडा झाला होता. अपघातात महामार्गावरुन सेवा रस्त्यावर कोसळलेले राजेंद्र हणमंत घाडगे (वय 45, रा. समर्थगाव, ता. सातारा) यांचा सातारामधील जिल्हा शासकीय रुग्णालयात उपचार सुरू असताना मृत्यू झाला. घाडगे हे जिल्हा परिषदेत आरोग्यसेवक म्हणून कार्यरत होते. अमर शिवाजी पानस्कर (वय 32, रा. मल्हारपेठ, ता. पाटण) व कुमार माणिक पोतदार (वय 36, रा. सासपडे, ता. सातारा) हे अपघातात गंभीर जखमी झाले आहेत. त्यांच्यावर जिल्हा शासकीय रूग्णालयात उपचार सुरू आहेत.
अपघातामुळे महामार्गावरील वाहतूक काही काळ खोळंबली होती. 'जनता क्रेन'चे अब्दुल सुतार, अजीम सुतार, सुहेल सुतार यांनी बोरगाव पोलिसांच्या सहकार्याने घटनास्थळी धाव घेत अपघातग्रस्त वाहने बाजूला काढून वाहतूक सुरळीत केली.
पुणे बंगळूर महामार्गावर चार चाकी वाहनाने तीन दुचाकींना उडविले; पूलावरुन एकजण सेवा रस्त्यावर काेसळला
बापरे..! जंगलापेक्षा नागरी वस्तीत जास्त बिबटे?
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.