सातारा : कोरोना विषाणूचा संसर्ग टाळण्यासाठी सर्वोच्च न्यायालयाच्या सूचनेनुसार कळंबा कारागृहातील सातारा व कोल्हापूर जिल्ह्यातील 573 कैद्यांनी अंतरिम जामिनासाठी अर्ज केले होते. त्यापैकी 188 कैद्यांचे अर्ज मंजूर करण्यात आले आहेत. ज्या कैद्यांनी विविध कागदपत्रांची पूर्तता केली आहे. अशा 167 कैद्यांना तात्पुरत्या जामिनावर सोडण्यात आले आहे.
कोरोना विषाणू संसर्गजन्य परिस्थितीत सर्वोच्च न्यायालय यांनी कारागृहातील बंदी जणांना संसर्ग होऊ नये, म्हणून सुमोटो आदेशान्वये, तसेच उच्च न्यायालयाच्या राज्य उच्च अधिकार समितीने दिलेल्या सूचनेनुसार कळंबा कारागृहातील सातारा व कोल्हापूर जिल्ह्यांतील एकूण 573 कैद्यांनी अंतरिम जामिनासाठीचे अर्ज दिले होते. त्यापैकी 188 कैद्यांचे अंतरिम जामीन अर्ज मंजूर झाले आहेत. सातारा व कळंबा कारागृहातून न्यायाधीन बंद्यांचे अंतरिम जामीन अर्ज संबंधित न्यायालयाकडे पाठवून जामीन अर्जाचे कामकाज पाहण्यासाठी मोफत विधिज्ञ यांची नेमणूक करण्यात आली होती. त्यानुसार 23 मार्च ते 15 जून या कालावधीत अंतरिम जामीन अर्ज मंजूर असलेल्या कैद्यांनी विविध कागदपत्रांची पूर्तता केल्याने त्यातील 167 कैद्यांना मुक्त करण्यात आले आहे. त्यामुळे संबंधित कारागृहांना जामिनावर मुक्त केलेल्या कैद्यांना कोरोना संसर्गाबाबत योग्य ती खबरदारी घेऊन घरी पोचवण्याचे आदेश देण्यात आले आहेत. कोरोना विषाणू संसर्गजन्य परिस्थितीमध्ये मुंबई उच्च न्यायालय यांच्या आदेशानुसार प्रमुख जिल्हा व सत्र न्यायाधीश यांच्या मार्गदर्शनाखाली कोरोना विषाणूचा संसर्ग होऊ नये, म्हणून सातारा जिल्हा व सत्र न्यायालय इमारत व परिसर निर्जंतुकीकरण करून घेण्यात आला आहे.
न्यायालयाचे कामकाज सकाळी 11 ते दुपारी दोन व दुपारी पावणेतीन ते सायंकाळी पावणेसहा अशा दोन सत्रांत सुरू करण्यात आलेले आहे. न्यायालयाच्या मुख्य प्रवेशद्वाराजवळ न्यायालयात येणारे सर्व न्यायाधीश, विधिज्ञ, पक्षकार, कर्मचारी यांचे शारीरिक तापमान थर्मल स्कॅनरद्वारे तपासूनच प्रवेश दिला जातो. न्यायालयाच्या प्रवेशद्वारासमोर सॅनिटायझर स्टॅंड बसवले आहे. त्याचप्रमाणे सर्व न्यायदान कक्षामध्ये डायसवर पारदर्शक कागद बसवण्यात आलेला असून, न्यायालयात येणाऱ्या सर्वांनी सुरक्षित अंतराची अट पाळायची आहे. याबाबतचे सूचना फलक लावण्यात आले आहेत, असे विधी सेवा प्राधिकरणाने स्पष्ट केले आहे.
'या' लोकप्रतिनिधींना कर्जमाफीतून वगळले पाहिजे
आमदार मकरंद पाटील यांच्या दडपशाहीला फुटली वाचा : आनंदराव शेळके पाटील
वारीबंदीचा निर्णय वारकऱ्यांच्या जिव्हारी : बंडातात्या कऱ्हाडकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.