गोडोली (जि. सातारा) : राजकीयदृष्ट्या जागृत असणाऱ्या पेठ किन्हई (ता. कोरेगाव) येथील ग्रामपंचायतीत 40 वर्षांनंतर सत्तांतर झाले आहे. ग्रामपंचायतीत नऊ सदस्यसंख्या आहे. पैकी आमदार महेश शिंदे पुरस्कृत व डॉ. गजानन चिवटे पॅनेलप्रमुख असलेल्या साखरगड निवासिनी परिवर्तन पॅनेलचे पाच उमेदवार निवडून आले. तर माजी सरपंच गुलाबभाई इनामदार यांच्या नेतृत्वाखाली श्री यमाईदेवी ग्रामविकास पॅनेलला चार सदस्यांवर समाधान मानावे लागले. श्री यमाईदेवी पॅनेल आमदार शशिकांत शिंदे पुरस्कृत केलेले होते. 

निवडणूक निर्णय अधिकारी आंधळकर यांनी सरपंच व उपसरपंचपदासाठी बोलावलेल्या बैठकीत साखरगड निवासिनी परिवर्तन पॅनेलच्या अश्विनी मदने यांचा सरपंचपदासाठी व शिवाजी ज्ञानदेव सपकाळ यांचा उपसरपंचपदासाठी अर्ज दाखल झाला. विहित वेळेत प्रतिस्पर्धी उमेदवारी अर्ज न आल्यामुळे श्री. आंधळकर यांनी अश्विनी मदने व शिवाजी सपकाळ यांची अनुक्रमे सरपंच व उपसरपंचपदी निवड झाल्याचे जाहीर केले.

आमदार महेश शिंदे, पॅनेलप्रमुख डॉ. गजानन चिवटे, रोहिदास चिकाटे, गणेश भोसले, श्रीरंग मदने, दिलीप मदने, माजी सरपंच शंकर चिकाटे, सचिन फणसे, सुभाष भोसले, संपत भिसे, नीलम जाधव, सुरेखा भिसे, प्रिया गवंडी, शोभा ढवळे यांनी सरपंच व उपसरंपचांचे पुष्पहार घालून अभिनंदन केले. यावेळी सरपंचांनी अंतर्गत रस्ते, बाजार मैदानाचे सुशोभीकरण, पाणीपुरवठा योजना सुरळीत करणे, पाणंद रस्ते व साखरगडावर कायमस्वरूपी पाणीपुरवठ्यावर भर दिला जाईल, असे सांगितले.

शिखर शिंगणापूर ग्रामपंचायतीच्या सरपंचपदी रेश्‍मा शिंगाडे; भोसले उपसरपंच

सौरभ पाटलांच्या तोंडाला कुलूप होते का? भाजप नगराध्यक्षा आक्रमक

धक्कादायक! सोन्याच्या डीलसाठी आलेल्या परप्रांतियांकडून पोलिसाला दांडक्याने जबर मारहाण

आनेवाडी-तासवडे टोलनाक्‍यावर सातारकरांना सूट द्या; खासदार उदयनराजे आक्रमक

पाटण तालुक्‍यात शरद पवार ग्रामसमृद्धी योजनेचे तीन-तेरा

Edited By : Siddharth Latkar