सातारा - क-हाड : सातारा जिल्ह्यातील क-हाड शहरात सलग दूस-या दिवशी (मंगळवारी रात्री) एका युवकाचा खून झाला. याबरोबरच सातारा शहरात देखील मंगळवारी रात्री युवकाचा खून झाल्याने परिसरात भितीचे वातावरण निर्माण झाले होते.

कऱ्हाड शहरात सोमवारी एका अल्पवयीन मूलाचा खून झाल्यानंतर सलग दुसऱ्या दिवशी एका युवकाचा मारहाणीत खून झाला. मंगळवारी रात्री सव्वा अकराच्या सुमारास येथील भाजी मंडई परिसरात खूनाची घटना घडली. मंडई परिसरात किरोकळ कारणावरून दोन युवकांमध्ये वाद झाला. त्याचे पर्यावसन मारहाणीत झाले. त्यात एक युवक जागीच ठार झाला. दोन्ही युवक मंडई परिसरातील आहेत. रात्री साडे अकराच्या सुमारास त्याची माहिती मिळताच त्वरीत पोलिस घटनास्थळी पोचले. या घटनेनंतर मंडई परिसरात मोठा पोलिस बंदोबस्त ठेवण्यात आला. खूनाचे कारण व ज्याचा खून झाला त्याची ओळख रात्री उशिरापर्यंत पटली नव्हती.

संशयित आराेपींना शेंद्रे तसेच महाबळेश्वर येथून ताब्यात घेतले

दरम्यान सातारा शहरातील समर्थ मंदिर परिसरात मंगळवारी एका युवकाचा खून करण्यात आला. धारधार शस्त्राने युवकावर वार झाल्याची प्राथमिक माहिती आहे. या घटनेची माहिती मिळताच पोलिस घटनास्थळी दाखल झाले. ही घटना साधारण अकरा सव्वा अकराच्या सुमारास घडल्याचा अंदाज नागरिकांचा आहे. पोलिस तपास सुरु आहे. 

आरोग्य कर्मचारी, डॉक्‍टरांना पहिल्या टप्प्यात लस : जिल्हाधिकारी शेखर सिंह