भुईंज (जि. सातारा) - काळंगवाडी (ता. वाई) येथे पूर्वी झालेल्या भांडणात मारहाण केल्याचा राग मनात धरून पितापुत्रांनी केलेल्या मारहाणीत एकाचा मृत्यू झाला. अर्जुन जयसिंग काळंगे (वय 29) असे मृताचे नाव आहे. मृत्यूनंतर अंत्यसंस्कार होऊन सावडण्याच्या विधी वेळी हा गुन्हा उघडकीस आल्याने पोलिसांनी संशयितांना ताब्यात घेतले आहे.
याबाबत पोलिसांनी दिलेली माहिती अशी, मृत अर्जुन काळंगे याचा दोन दिवसांपूर्वी मृत्यू झाला होता. त्यांच्या पार्थिवावर अंत्यसंस्कारही करण्यात आले होते. रविवारी (ता. 27) सावडण्याचा विधी होताना याबाबत संशयास्पद हालचाली आढळून आल्याने सहायक पोलिस निरीक्षक आशिष कांबळे यांनी संबंधित ठिकाणी जाऊन सावडण्याचा विधी थांबविला. पोलिस उपअधीक्षक डॉ. शीतल जाणवे यांच्या मार्गदर्शनाखाली तहसीलदार रणजित भोसले, वैद्यकीय अधिकारी विकास ठोंबरे यांच्यासह काळंगवाडी येथील स्मशानभूमीत जाऊन रक्षाविर्सजन विधी सुरू असताना अस्थी व नातेवाइकांना ताब्यात घेऊन चौकशीसाठी पोलिस ठाण्यात आणले. दरम्यान, मृत अर्जुन काळंगे यांच्या पत्नीने दिलेल्या जबाबावरून काळंगवाडी येथील संशयित विलास हुंडेराव काळंगे पवार व ओंकार विलास काळंगे पवार या दोघांनी संगनमत करून माझ्या पतीला मारहाण करून खून केल्याचा आरोप केला. त्यानंतर पोलिसांनी दोघांना ताब्यात घेऊन तपासाला सुरवात केली.
कऱ्हाड : शासकीय 'अभियांत्रिकी'च्या प्रगतीस 25 लाखांचे पॅकेज
या वेळी मृत अर्जुन वैफल्यग्रस्त होऊन गेले काही महिने फिरत होता. यातच संशयित विलास काळंगेला त्याच्या शेतात रात्री झोपलेले असताना काठीने मारहाण केली होती. त्याचा राग मनात धरून पितापुत्राने मृत अर्जुन यास बेदम मारहाण केली होती. कुटुंबीयांनी त्याला उपचार करून घरी आणले होते. ता. 26 रोजी त्याचा मृत्य झाला. त्यानंतर त्याच्यावर अंत्यसंस्कारही करण्यात आले. रविवारी सावडण्याचा विधी सुरू केला होता. पोलिसांनी सतर्कता दाखवून खुनाची उकल केली. त्यानंतर पोलिस उपअधीक्षक डॉ. शीतल जाणवे यांच्या मार्गदर्शनाखाली सहायक पोलिस निरीक्षक आशिष कांबळे यांनी मृताच्या पत्नीस त्याला उपचारासाठी कोठे- कोठे घेऊन गेला याची माहिती घेऊन संबधितांचे जबाब घेऊन अधिक तपास सुरू केला. या तपासात हवालदार घाडगे, दत्तात्रय धायगुडे, प्रसाद दुदुस्कर, विकास गंगावणे, रविराज वर्णेकर, सुनील पोळ, तुकाराम पवार, धनाजी कदम आदींनी परिश्रम घेतले.
शिष्यवृत्तीच्या बहाण्याने विद्यार्थ्यांच्या पालकांना गंडा!
Edited By : Siddharth Latkar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.