Pusesawali Bandh : पुसेसावळी येथील घटनेच्या पार्श्वभूमीवर (Pusesawali Riots) गेल्या तीन दिवसांपासून बंद असलेली जिल्ह्यातील इंटरनेट सेवा (Internet Service) रात्री उशिरा सुरू करण्यात आली.

याबाबत जिल्हा प्रशासनाने पुसेसावळीसह कऱ्हाड व इतर शहरातील परिस्थिती पूर्ववत होत असल्याने बुधवार दुपारपर्यंत इंटरनेट सुविधा सुरू करावी, असा प्रस्ताव गृह सचिवांकडे पाठवला होता. मात्र, गृह सचिवांनी नेट सुविधा बंदच ठेवण्याचा निर्णय घेतला.

संवेदनशील भागात टप्प्याटप्प्याने नेट सुविधा पूर्ववत करण्याची सूचना कंपन्यांना केली आहे. त्यामुळे काही ठिकाणी बुधवारी रात्री उशिरा तर काही ठिकाणी गुरुवारी सकाळी नेट सुविधा पूर्ववत होणार असल्याचे जिल्हा प्रशासनाकडून सांगण्यात आले.