कोयनानगर (जि. सातारा) : विविध जैवविविधतेने नटलेल्या सह्याद्री व्याघ्र प्रकल्पातील कोयना (Koyna) परिसरात अभ्यास दौऱ्यादरम्यान "डिस्कवर कोयना टीम'च्या सदस्यांना दुर्मिळ माउंटन इंपेरियल पारवा आढळून आला आहे. डिस्कवर कोयना टीमच्या वतीने आठवड्यातून एकदा अभ्यास दौरा आखला जातो. 

अशाच अभ्यास दौऱ्यावर असताना अचानक या पक्ष्याचे दर्शन झाले. याला इंग्रजीत माउंटन इंपेरियल पिजण असे म्हणतात तर शास्त्रीय नाव डुकुला बाडिया असे आहे. पक्ष्याची लांबी 43 ते 51 सेंटिमीटर असते. याचे शेपूट लांब असून, पंख जाड गोलाकार असतात. अंतर्भाग, डोळे व नाक राखाडी असून, मान पांढरट असते. पंख तपकिरी चॉकलेटी असतात. पंखांच्या खालील बाजू फिक्कट राखाडी असते व शेपूट काळसर असते. मार्च ते ऑगस्ट याचा विणीची हंगाम असतो. पक्ष्याचे प्रमुख खाद्य फळे व बेरी आहे.

डिस्कवर कोयना टीममार्फत आजपर्यत पक्षी, साप मिळून हजारो जिवांचे फोटो व रेकॉर्ड मिळवण्यात आले आहेत. यासाठी पक्षीमित्र संग्राम कांबळे, पक्षीमित्र महेश शेलार, सरपटणारे-उभयचर व कीटक अभ्यासक विकास माने, सर्प अभ्यासक निखिल मोहिते यांच्यासह सर्व टीम प्रयत्न करत आहे.

कऱ्हाडकरांना मिळणार दिलासा? पालिकेची उद्या अर्थसंकल्पीय बैठक

पोषण आहारात विद्यार्थ्यांना मध देणार; आदिती तटकरेंची ग्वाही

कोरोनाचा उद्रेक : सातारा जिल्ह्यातील दहिवडी शहरच कंटेन्मेंट झोन घोषित

कॉंग्रेसच्या विचार आणि विकासाला साथ देणाऱ्या नेत्यांबरोबर राहा

कोयनेत जीव धोक्‍यात घालून काम करणाऱ्या अंगणवाडी कर्मचाऱ्यांचे कार्य कौतुकास्पद 

Edited By : Siddharth Latkar